Кулун тутар 16 кунугэр Уоьээ Булуугэ Олонхо Ыһыа5ар бэлэмнэнии чэрчитинэн Улуус урбаанньыттарын Форума ыытылынна. Саха Өрөспүүбүлүкэтин Үөһээ Бүлүү улууһун урбаанньыттара билиҥҥи ыарахан кэмҥэ үлэлэригэр сөптөөх хайысхалары көрүнэн, санааларын сайа этэн, уопут атастаһан, саҥаны-сонуну билэн-көрөн барарга анаан, бу форумҥа муһуннулар.
Форуму көҕүлээн, тэрийэн ыыттылар: дьоҕус урбааны өйүүр Пуонда, “Мин биисинэьим” Киин, Үөһээ Бүлүү улууһа муниципальнай оройуон Дьаьалтата, дьаһалта экэниэмикэҕэ уонна үпкэ-харчыга салаата, урбааны кытта улэни суруннуур Координационнай Субэ.
Форумҥа кыттыыны ыллылар: ыаллыы сытар Бүлүү бөлөх уонна Үөһээ Бүлүү улууһун урбаанньыттара, тэрилтэлэр салайааччылара, нэһилиэктэр баһылыктара, Үөһээ Бүлүү улууһугар ыытыллыахтаах Олоҥхо Ыһыаҕын тэрийэр хамыыһыйа эппиэттээх үлэһиттэрэ, хонтуруоллуур-көрөр тэрилтэлэр салайааччылара, исписэлиистэрэ.
2019 сыллааҕы урбанньыттар форумнара маннык тэрээһини 3 сылга биирдэ ыытарга быһаарбыта, онно сөп түбэһиннэрэн, бу форумҥа Үөһээ Бүлүү улууһугар ыытыллыахтаах XV Олоҥхо Ыһыаҕар бэлэмнэнии улэ хаамыытын уонна ыһыах тэрээһинин туһунан киэҥ кэпсэтии буолла.
Форумҥа бэлиэтиээтилэр чуолаан 2019 сыллааҕы форум резолюциятын туолбут пууннарын:
— 2020 сылга Дьоҕус урбааны өйүүр Пуонда үлэтэ сөргүтүллэн, саҥа салайааччы анаммытын, хааччахха түбэспит урбаанньыттарга көмө оноһуллубутун уонна саҥа тэриллибит бэйэ дьарыктаах дьоҥҥо кыра займнар бэриллибиттэрин;
— эдэр урбаанньыттар 2021 сылга Олоҥхо Ыһыаҕар сыһыаннаах бырайыактары көмүскээн, 3 бырайыак: “Моторикша”, “Цифровой Верхневилюйск” уонна “Мурал” — улуус дьаһалтатын өйөбулун ылан, үбүлэнэ турарын;
— Баай Батаакап дьиэтин сөргүтүү үлэтэ саҕаламмытын, ПСД оҥоруутугар дуогабар баттаммытын, 2023 сылтан тутуута саҕаланарын, бу дьиэ урбаанньыттары түмэр “Урбаан дьиэтэ” буолуохтааҕын;
— Үөһээ Бүлүү улууһа Өрөспүүбүлүкэҕэ бастакынан пилотнай СУС (стандартизированнай универсальаай система) бырагыраамматын 2019 сылтан үлэлэтэрин, ол курдук бааһынай хаһаайыстыбаларга, ынах төбөтүн ахсаанынан бөлөхтөргө арааран, үүт туттарбыт харчыларыгар эбии көмө харчы көрүллэрин. Бырайыак икки сыл кэтээн көрүү түмүгүнэн үчүгэй өрүттээҕин, сүөһу ахсаана 291 төбөнөн, ол иһигэр ынах сүөһү ахсаана 532 төбөнөн элбээбитин. Бааһынай хаһаайыстыбалар материальнай базалара, эбии тиэхиньикэ ылынан, хотон туттан, өрөмүөннэнэн бөҕөргөөбүтүн;
— туолбатах быһаарыыларга дьаһалта уонна урбаанньыттар өттүлэриттэн үлэ салгыы бара турарын.
Юнеско шедевринэн билиниллибит киһи аймах тылынан уонна өйүнэн култуура баайын — Олоҥхо Ыһыаҕын үрдүк таһымҥа тэрийэн ыытарга форум кэмигэр киирбит этиилэргэ олоҕуран, уопсай сүбэнэн
Форум быһаарыы ылыынна:
Улуус дьаһалтатыгар этии:
- Субуотунньукка дьон көхтөөхтүк кыттыытын көҕүлүүрүгэр;
Болдьоҕо: 2022 сыл бэс ыйын 19 күнүгэр дылы.
- Ыһыах кэмигэр хорчуоппаны быыстала суох уотунан уонна уунан хааччыйарыгар;
- Ыһыах буолар сиригэр төлөбүр терминалларын үлэлэтэригэр, Ростелекому кытта интернет холбонуутун хонтуруоллууругар.
Болдьоҕо: 2022 сыл бэс ыйын 19 — 21 күннэрэ.
Урбаанньыттарга этии:
- Олоҥхо Ыһыаҕа тэрээһиннээхтик, түмсүүлээхтик ыытылларыгар күүс-көмө буоларга;
- Ыалдьыттары көрсөргө олорор түөлбэ, үлэлиир сир тэлгэһэтиттэн саҕалаан, ыраас-чэбдик буоларын, күөҕүнэн чэлгийэрин хааччыйарга;
- Үөһээ Бүлүү улууһун социальнай-экономическай сайдыытыгар көмө пуондаҕа куттуеннээх көмөнү оҥорорго;
- Хорчуоппа миэстэтигэр сырыы тохтооботун курдук туспа суол оҥоһуутугар тэриллэр субуотунньукка көхтөөх кыттыыны ыларга;
Болдьоҕо: 2022 сыл бэс ыйын 19 күнүгэр дылы.
- Ыһыах күннэригэр атыы-эргиэн төгүрүк суукка тохтоло суох үлэлиирин тэрийэргэ;
- Ыһыах ыалдьыттарын тотоойу, сахалыы аһынан-үөлүнэн көрсүүнү, ас маҕаһыыннара, аһыыр сирдэр түүннэри-күнүстэри тохтоло суох үлэлииллэрин хааччыйарга.
Болдьоҕо: 2022 сыл бэс ыйын 19 — 21 күннэрэ.
Форуму тэрийээччилэргэ этии:
- Үөһээ Бүлүү урбаанньыттарын Форумун резолюциятын Үөһээ Бүлүү хаһыакка бэчээккэ биэрэргэ.
Болдьоҕо: 2022 сыл кулун тутар 18 күнэ.
Форум кыттыылаахтарын улуус урбаанньыттарыгар ыҥырыылара:
Убаастабыллаах улуус урбаанньыттара! XV-с төгүлүн ыытыллар 2022 сыл бэс ыйын 19 күнүттэн саҕаланар үбүлүөйдээх Олоҥхо Ыһыаҕын чиэстээхтик көрсүөҕүҥ, ыһыах кыттыылаахтара, ыалдьыттара үөрэн – көтөн, астына сынньанан баралларын хааччыйыаҕыҥ, Үөһээ Бүлүү улууһун өрүү махтана саныылларыгар төһүү күүс буолуоҕуҥ диэн ынырабыт!
