Илин Эҥэр урбаанньыттарын «Сатабыллаах» диэн көҥүл түмсүүтүн кыттыылаахтарыгар Чурапчыга саҥа үүммүт 2024 сылы көрсөр тэрээһин ааста. Манна Уус Алдан улууһуттан 15 урбаанньыт кыттыыны ыллылар.

Тэрээһиҥҥэ Уус-Алдан урбаанньыттара Чурапчытааҕы кэллиэгэлэрин үлэлэрин кытта билистилэр, элбэх атыы сирин кэрийэн көрдүлэр, оҥорон таһаарааччылары кытта сирэй көрсөн кэпсэттилэр.

Чурапчылар үлэлэрин-хамнастарын илэ хараҕынан көрөн, биһирээн уопут атастастылар. Ону таһынан Чурапчы улууһун историятын уонна аатырбыт тренер Дмитрий Коркин түмэллэригэр сырыттылар. Тэрээһин бырааһынньыктааҕы банкетынан түмүктэннэ.

Көрсүһүүгэ барыта сүүстэн тахса киһи кыттыыны ылла. Маннык урбаанньыттар түмсэр тэрээһиннэрэ үгэскэ киирэн эрэр. Ол курдук сайыҥҥы көрсүһүү Уус-Алдан улууһугар ыытыллара былааннанар.

«Дьоҕус уонна орто урбаан» национальнай бырайыак чэрчитинэн «Мин биисинэһим» киин нөҥүө урбаанньыттарга киэҥ хабааннаах араас өҥө көрүллэр. Бу туһунан ыйыллыбыт сигэнэн киирэн ааҕыахха сөп – Мойбизнес14.рф