Ханнык да улахан тэрээһиҥҥэ атыы-тутуу, оҕолорго оонньуу-көр, сынньылаҥ тэрийии биир сүрүн болҕомтоҕо турар. Биирдиилээн атыыһыттар, урбаанньыттар элбэх бэрибиэркэни, үгүс ирдэбили ааһан бэрт эрдэттэн бэлэмнэнэллэр. Өр күүппүт оонньуубут көрөөччүлэрдээх, үгүс ыалдьыттардаах ыытылларыгар олус эрэммиттэрэ.

Ол да буоллар, араас күчүмэҕэйдэри туоруу үөрэммит урбаанньыттар санааларын түһэрбэккэ, оонньуу кыттыылаахтарыгар үтэһэлээх эт, быырпах, шашлык, казаҥҥа буспут плов, үрүҥ ас арааһын атыылаатылар. Сувенир атыылааччылар ыалдьыттар ордук Манчаары оонньуулара бэлиэлээх өйдөбүнньүк брелок, магнит, футболка ылаллар дииллэр.

Л.Е.Лукина аатынан Бэрдьигэстээхтээҕи оҕону эбии үөрэхтээһин киинин оҕолоро, иитээччилэрэ бу тэрээһиҥҥэ эрдэттэн бэлэмнэнэн, Старт-ап бизнес-инкубатор иһинэн ыалдьыттарга элбэх сувенирдара оҥорон атыылаатылар. Кырачаан урбаанньыттар эрэйдэрэ тиллибитин, атыылара барбытын астына кэпсииллэр.

Нэһилиэнньэҕэ санатар буоллахха, оонньуу ыытыллар кэмигэр, күрэхтэһиигэ эрэ киирэр көҥүллэммэтин санатабыт. Пааркабыт киэҥ. Санитаранай ирдэбили тутуһан, оҕолору аралдьытарга, хорчуопкаҕа сылдьарга, стадиоҥҥа киирии кылаабынай аана эһиэхэ аһаҕас буолар.

Подробнее: https://ulus.media/article/16815