Хатыҥ Арыы нэһилиэгин олохтооҕо, олоҕун, үлэтин культура эйгэтигэр анаабыт, көрдөөх, бэтиэхэлээх кэпсэтии, монолог жанрын маастара Василий Васильевич «Народный конферансье-2025» өрөспүүбүлүкэтээҕи куонкуруска кыайда.
Түһүлгэ Өксөкүлээх Өлөксөй аатынан норуоттар доҕордоһууларын дьиэтигэр ыытыллыбыт. Өрөспүүбүлүкэ араас муннуктарыттан 14 кыттааччы кыттыбыт.
Гала-кэнсиэргэ кэпсэтии жанрын 8 маастара бастыҥ ааты былдьаспыт. Түмүгэр, муҥутуур кыайыылааҕынан биһиги Василий Бурнашевпут ааттанан, «Чороон 21-с үйэ» анал бирииһин чороонунан уонна 100000 солк. уу харчынан наҕараадаламмыт. »Народный конферансье-2025″ куонкурус идэтийбит таһымнаах конферансье Александр Тойтонов аатынан ыытыллыбыт.
Бу дириҥ ис хоһоонноох, кэрэни кэрэһэлиир, культура үтүөлээх үлэһиттэрин айымньылаах үлэлэрин үйэтитэр куонкурус эһиил биһиэхэ, Нам улууһугар, Владимир Федоров аатынан ыытыллара былааннанар.