Эбээн-Бытантай улууьун эр дьоно «Эйиэхэ аныыбын ырыабын» диэн таптал аргыстаах, истин иэйии кынаттаах ырыа дьоро туьулгэтин тэрийэн ыытта. Дьоро киэьэни хомо5ой хоьоон тыллаах, чугдаарар чуор куоластаах Иван Горохов иилээн-са5алаан ыытта.
Эбээн-Бытантай улууьугар биллэр-костор урбаанньыт, бэйэтэ эмиэ ырыа эйгэтигэр чугас Терентий Горохов тэрийиитинэн 10-тан тахса ырыаьыт эр хоьуун ырыа туьулгэтин тэниттэ. Дьон билиниитин ылыа5ын ылбыт дэгэрэн куоластаах Степан Слепцов, тыыннаах ырыа, муусука до5уьуоллаах Степан Колесов, ырыа куттаах Терентий, Рамиль, Яков Гороховтар, иэйиилээх ырыаьыт Алексан Аммосов, толорор ырыатыгар дууьалыын тартаран дьонно тиэрдэр дьо5урдаах Щерзот Рябчиков, сана тахсан эрэр ырыаьыт, эр киьилии куустээх матыыптаах ырыалары толорор Дмитрий Саввинов, эрчимнээх, тэтимнээх Виктор Горохов, нарын-намчы матыыбынан истээччини уйадытар Ньургун Боярскай, оскуола са5аттан быстыбат ситимнээх до5ордуулар, эдэрдии эрчимнээх Иван Стручков, Герман Ефимов, Булууттэн кутуот уол, аан маннай Саккырыыр сыанатыгар тахсыбыт Тимофей Шестаков ылба5ай ырыаларын бэлэх ууннулар.
Кэнсиэри тэрийээччи, оттук мас тиэйиитинэн, тутуунан дьарыктанар урбаанньыт Терентий Горохов уруккуттан муусуканы, ырыаны сэргиир. Массыынатын уруулун тутта да кининэйэн ыллыыра биллэр. Оло5ор санардыы уьустээн сыана5а та5ыстар да, уоруйэхтик холкутук туттан-хаптан, ис дууьатыттан ыллаан эйээртэ. Кини иэйиилээх матыыптарын кэрэ анардар дохсун ытыс тыаьынан до5уьуоллаатылар.
Бу кун анардас ырыанан мунурдаммакка, киирии билиэтинэн сууйуулээх лотерея оонньонон, бааттаах дьонно дьоллоох тугэн тосхойдо. Ол курдук, саамай кылаабынай сууйууну—урун комус сахалыы ытар5аны эдэр ыал ийэтэ Динара Сыроватская сууйэн, уоруутэ икки бук буолла.
«Улууспутугар айыл5аттан талааннаах, чуор куоластаах ырыаны оро туппут уолаттар, эдэр а5алар элбэхтэр. Кинилэри тумэн, дьон-сэргэ ойугэр-санаатыгар орго диэри хаалар бэртээхэй кэнсиэри тэрийбит киьи диэн санааны иитиэхтии сылдьыбытым ыраатта. Ону толорон, бэрт кылгас кэм иьигэр кэпсэтэ, хомулла, бэлэмнэнэ охсон, нэьилиэкпит олохтоохторугар кэнсиэр тэрийэн ыыттыбыт. Барыта орун-оннугар сааьыланан, уурбут-туппут курдук эриэ-дэхситик табыллыбыттан тэрийээччи быьыытынан олус астынным»,— диэн Терентий Горохов санаатын уллэстэр.
Ааптар: Сардаана Копырина