Хоруона дьаҥыттан дьон-сэргэ доруобуйатын харыстыыр сыаллаах Чурапчы нэһилиэгин “Хатан” тэрилтэтэ өссө кулун тутар 24 күнүттэн саҕалаан, Чурапчы, Хоптоҕо, Одьулуун нэһилиэктэригэр турар уопсай дьиэлэргэ күн аайы дезинфекция үлэтин көдьүүстээхтик ыытар.

“Чурапчы нэһилиэгин иһигэр көрөр-истэр дьиэлэрбитин, 50-тан тахса дьиэни барытын күн аайы дезинфекциялыы сылдьабыт. Ол эрээри сорох дьиэлэри тыыппаппыт, тоҕо диэтэххэ, онно туһунан уборщицалаахтар, онон кинилэр эбээһинэстэригэр сүктэриллэр. 10 лиитэрэ ууга 2 устуука “Акватабс” хлор таблетканы кутан суурайан, хас биирдии подъеһы, киһи таарыйыан сөптөөх сирдэрин барытын кичэйэн ыстарабыт. Күн иһигэр туох баар дьиэлэри барытын к э р и й э б и т . Итини таһынан Хоптоҕо, Одьулуун нэһилиэктэрин у о п с а й д ь и э л э р и г э р и т и н н и к хабааннаах үлэлэр ыытыллаллар. Бу суурадаһын киһиэхэ, кыылга туох даҕаны буортуну оҥорбот. Дьон ону өйдүүр, уопсай үлэбитигэр көхнэм буолаллар”, — диэн “Хатан” ХЭТ кылаабынай инженерэ Геннадий Осипов кэпсиир.

Уолаттар үһүө буолан анал комбинезоннаах, респиратордаах, суурадаһыннаах баллоннарын сүгэ сылдьан, олус кыһаллан үлэлии сылдьар түгэннэрин хаартыскаҕа түһэрдим. Онон салгыы уһатыллан биэрбит, үлэҕэ тахсыбат өрөбүл күннэри көтүппэккэ, “Хатан” ХЭТ үлэһиттэрэ дьон-сэргэ доруобуйатын харыстыыр туһугар үлэ үгэнигэр сылдьаллар.

ГАУ РС(Я) «Центр «Мой бизнес»