Быйыл алтынньы ыйга ыытыллыбыт “Көмүс күһүн” Бүтүн Арассыыйатааҕы аграрнай быыстапка-дьаарбаҥкаҕа М.Г. Сафронов аатынан Саха сиринээҕи тыа хаһаайыстыбатын билимин чинчийэр институтун учуонайдара хайа даҕаны сыллааҕар ситиһиилээхтик кытыннылар. Соторутааҕыта Москубаттан илдьэ кэлбит 7 кыһыл көмүс, 3 үрүҥ көмүс уонна 1 боруонса мэтээллэригэр, бэҕэһээ, алтынньы 26 күнүгэр, өссө биир куонкурус түмүгэ саҥа тахсан, 4-с үрүҥ көмүс мэтээл эбиллибитин туһунан институт учуонай-сэкирэтээрэ Ньургустаана Алексеева иһитиннэрдэ.
– Дойду улахан быыстапкатыгар биһиги бүтэһигин 2018 сыллаахха кыттыбыппыт, онтон хамсык ыарыы туран, хас даҕаны сыл тохтуу сырыттыбыт. Быйыл эрдэттэн куонкурус балаһыанньатын, ирдэбиллэрин үөрэтэн, бэлэмнэнэн, элбэх үлэттэн сүүмэрдээн-талан, араас хайысхаҕа 12 сайаапканы түһэрбиппит, – диэн билиһиннэрэр Ньургустаана Михайловна. – Бүтэһик 12-с үлэбитинэн “Сиртэн үүнүүнү ылыыга үрдүк көрдөрүүлэри ситиһии уонна сир өҥүн үрдэтии иһин” куонкуруска кыттыбыппыт. Тэрийээччилэр ол түмүгэ алтынньы 20 күнүн кэнниттэн биллиэ диэбиттэрэ. Куонкурус түмүгүн бэҕэһээ сайтка таһаарбыттар. Барыта 120 хаһаайыстыбаттан уонна билим чинчийэр инстутуттан үлэлэр киирбиттэрин Тыа хаһаайыстыбатын министиэристибэтин сиртэн үүнүүнү ылыыга, мэхэньисээссийэҕэ, химизацияҕа уонна үүнээйи харыстабылыгар департаменын салайааччыта Р.В. Некрасов бэрэссэдээтэллээх куонкурус хамыыһыйата көрөн-ырытан баран, кыһыл көмүс мэтээлгэ 30, үрүҥ көмүс мэтээлгэ 20 уонна боруонсаҕа 17 кыайыылааҕы быһаарбытыттан биһиги учуонайдарбыт сүөһү аһылыгын бэлэмнээһиҥҥэ сыһыаннаах үлэлэрэ үрүҥ көмүс мэтээлгэ тиксибит.
Онон, биһиги институппут кыттыбыт 12 үлэтэ барыта бэлиэтэммитэ – улахан ситиһии. Урут биирдии-иккилии, муҥутаан үс мэтээллээх кэлээччибит. Баҕар, сорохтор уруккунан охсон, “харчы төлөөтүҥ даҕаны, биэрэллэр” дии саныыр буолуохтарын сөп. Урут, кырдьык, быыстапка атын былаһааккаларга тэриллэр буолан, турар миэстэҥ төлөбүрдээх буолааччы. Бу сырыыга Тимирязев аатынан Тыа хаһаайыстыбатын академиятын саалатыгар тэриллэн, барыта – босхо. Ол иһин эрэгийиэннэртэн кыттааччы даҕаны элбээбит. Холобур, сорох хайысхаҕа 800-тэн тахсалыы үлэ киирбит. Аны, кыттааччы элбэҕинэн даҕаны буолуо, кэтэхтэн буолбакка, сирэй кыттыыны ордук сыаналыыллар. Биһиги алтыа буолан бара сырыттыбыт. Ол иһигэр тыа хаһаайыстыбатын билимин дуоктара Сахаяна Павлова, бэтэринээрийэ билимин дуоктара Людмила Коколова, тыа хаһаайыстыбатын билимин хандьыдааттара Елена Пестерева уонна Валентина Белецова бааллар. Кинилэр бэйэлэринэн тиийэн, дойду бөдөҥ учуонайдарыттан турар хамыыһыйалар иннилэригэр үлэлэрин кэпсээбиттэрэ, көрдөрбүттэрэ Саха сирин тыатын хаһаайыстыбатын билимэ маннык үрдүк ситиһиилэнэригэр төрүт буолла дии саныыбын.
Онон, биһиги институппут кыттыбыт 12 үлэтэ барыта бэлиэтэммитэ – улахан ситиһии. Урут биирдии-иккилии, муҥутаан үс мэтээллээх кэлээччибит. Баҕар, сорохтор уруккунан охсон, “харчы төлөөтүҥ даҕаны, биэрэллэр” дии саныыр буолуохтарын сөп. Урут, кырдьык, быыстапка атын былаһааккаларга тэриллэр буолан, турар миэстэҥ төлөбүрдээх буолааччы. Бу сырыыга Тимирязев аатынан Тыа хаһаайыстыбатын академиятын саалатыгар тэриллэн, барыта – босхо. Ол иһин эрэгийиэннэртэн кыттааччы даҕаны элбээбит. Холобур, сорох хайысхаҕа 800-тэн тахсалыы үлэ киирбит. Аны, кыттааччы элбэҕинэн даҕаны буолуо, кэтэхтэн буолбакка, сирэй кыттыыны ордук сыаналыыллар. Биһиги алтыа буолан бара сырыттыбыт. Ол иһигэр тыа хаһаайыстыбатын билимин дуоктара Сахаяна Павлова, бэтэринээрийэ билимин дуоктара Людмила Коколова, тыа хаһаайыстыбатын билимин хандьыдааттара Елена Пестерева уонна Валентина Белецова бааллар. Кинилэр бэйэлэринэн тиийэн, дойду бөдөҥ учуонайдарыттан турар хамыыһыйалар иннилэригэр үлэлэрин кэпсээбиттэрэ, көрдөрбүттэрэ Саха сирин тыатын хаһаайыстыбатын билимэ маннык үрдүк ситиһиилэнэригэр төрүт буолла дии саныыбын.