Алтынньы  ыйын 23 күнүгэр, Уөһээ Бүлүү улууһун тыа хаһаайыстыбатын эйгэтигэр биир улахан бэлиэ тэрээһин ыытылынна. Ол курдук, урукку өттүгэр сылгы иититинэн дьарыктана сылдьыбыт «Кэскил» кооператив Чочу Күөлэ диэн учаастагы сөргүтэр сыаллаах, 80 сүөһү киирэр хотонун үлэҕэ киллэрдэ.

Чопчулуур буоллахха,»Кэскил» кооператив сүөһү иитиитинэн дьарыктанарга бу сааскыттан ылсан, сүөһүлэри нэһилиэнньэттэн, «Нам» хааччахтаммыт эппиэтинэстээх тэрилтэттэн уонна Горнай улууһуттан иитиигэ ылбыта. Бу 80 сүөһү киирэр гына былааннанан тутуллубут сырдык, сылаас, киэҥ хотоҥҥо улуустааҕы тыа хаһаайыстыбатын салайааччыта Сергей Иванов бэлиэтээбитинэн, 100 да сүөһү кыстаан тахсыах курдук.

Онон, бу «Кэскил» кооператив тэтимнээхтик ылсан саҕалаабыт хороҕор муостааҕы иитии сыралаах үлэтигэр үрүҥ илгэни үрүлүтэ сүүрдэн, төрүөҕү элбэтэн, үрдүк көрдөрүүлэри ситиһэллэрин баҕарабыт!

«Мин бизнэһим» Киин Уөһээ Бүлүү улууһугар

туспа тутар салаатын салайааччыта

Екатерина Васильевна