Сулумах урбааньыт Николай Степанов Томпо улууһун Кэскил боһүөлэгин олохтооҕо. Николай 25 саастаах, икки уол оҕолоох ыал аҕата, зоотехник үрдүк үөрэхтээх, эти, үүтү дэлэтэр, иһэр уу доставкатынан дьарыктанар.
— ИП буоларга туохтан саҕалаабыккыный? Хайдах быһаарыммыккыный?
— Мин ИП буоларбын урут уруккуттан баҕарар этим. 2016 сыллаахха бастаан тутуу өттунэн ИП арынан үлэбин саҕалаабытым. Билигин хаттаан 2022 сылга ИП учуотугар туран улэлээн-хамсаан эрэбин.
— ИП улэтигэр туох ыарахаттары көрсүбүккүнүй?
— Аан бастаан предприниматель буолар ыараханнардаах этэ. Барыта бэйэҕиттэн тутулуктаах, баҕалаах буолуоххун наада, бэйэҕин умнан туран үлэлиигин. Быһаарыыга турар сорук күн аайы элбэх, ол оннугар дохуот үрдэ суох, үрдүк чыпчаалга дабайан тахсыахха сөп.
— Тугунан дьарыктанаҕыный?
Мин үлэм диэн олохтоох бородууксуйа оҥорон таһаарыы, эти, үүтү дэлэтии буолар. Нэһилиэк дьонун ыраас уунан хааччыйан үлэлиибин.
— Туох государственнай өйөөһүнүнэн туһаммыккыный?
— Билиҥҥи кэмҥэ правительство өттуттэн сулумах урбаанньыттары олус диэн өйүүллэр. Билэн уонна көрөн-истэн сылдьар буоллаххына араас субсидия, тыа хаһаайыстыбатыгар көмө баар. ГАУ РС(Я) «Центр «Мой бизнес» тэрилтэтигэр араас өйөөһүн көрүҥэ баар. Эһиилги 2023 сылга бэйэм эмиэ кыттар былааннахпын. Ол таһынан консультация ылар босхо өйөөһүнүнэн туһаммытым.
— Николай, молодежнай гырааҥҥа кыттыспытын туһунан баһаалыста кэпсээ.
— ГАУ РС(Я) «Центр «Мой бизнес» быйыл атырдьах ыйын 2022 сылыгар молодежнай гырааны 25 саастарыгар дылы эдэр ыччакка тэрийбитэ. Онно кыттаммын гыраан конкурсун ситиһиилээхтик ааспытым. Онон улэм өссө тургэтээтэ. Конкурска кыттааччылары учугэй баҕайытык онлайн нөҥүө үөрэтэн, консультациалаан биэрбиттэрэ. Хайдах бизнес-план сөпкө оҥорорго үөрэппиттэрэ. Онно махталым улахан диэхпин баҕарабын.
— Туох принциптааххыный, ханнык девиһы өрө тутан улэлиигиний?
— Баҕа санааҕын толор, куттала суох үлэлээ. Киһи сатаабата суох!
— Тугу баҕарыан этэй саҥа урбаанньыттарга, эдэр ыччакка?
— Саҥа саҕалаан эрэр дьоҥҥо, эдэр ыччакка сүбэм — туохтан да толлуман, баҕа санааҕытын толорун, барыта сатаныа, бэйэҕигэр эрэнин диэн этиэм этэ.
— Махтал, Николай! Эйиэхэ саҕалаабыт улэҕэр, тус олоххор ситиһиилэри баҕарабыт!
ГАУ РС(Я) «Центр «Мой бизнес»