Бүгүн, Олоҥхо күнүгэр, Дьокуускайга, СӨ Бырабыыталыстыбатын 1-кы нүөмэрдээх дьиэтигэр, саха омугун үгэс буолбут култууратын илдьэ сылдьааччыларбытыгар, олоҥхоһуттарбытыгар, оһуохай тылын этээччилэрбитигэр, тимир уустарбытыгар Саха Өрөспүүбүлүкэтин Ил Дарханын анал истипиэндьийэлэрин аныыр туһунан туоһу сертификаттары туттарыы үөрүүлээх сиэрэ-туома ыытылынна.
Саха Өрөспүүбүлүкэтин Ил Дархана Айсен Сергеевич Николаев Олоҥхо күнүнэн истиҥник эҕэрдэлээтэ!
Олоҥхону чөл хаалларарга, чинчийэргэ уонна киэҥник тарҕатарга 2006 сылтан 2015 сылга диэри өрөспүүбүлүкэҕэ Олоҥхо бастакы уон сыла, 2016 сылтан 2025 сылы хабан иккис уон сыла биллэриллибитэ. Бу ааспыт сылларга дьоһун үлэ-хамнас ыытыллыбытын бэлиэтээн эттэ.
Үөрүүлээх бэлиэ тэрээһиҥҥэ Ил Дархан Айсен Николаев 2026 сылтан 2035 сылы хабан Олоҥхо үһүс уон сылыгар үөрүүлээх быһыыга – майгыга илии баттаата.