Новости "Центра "Мой бизнес"
Үтүө санаа — Улуу Кыайыы кыната
7 мая 2022

Үөһээ Бүлүү улууһугар ыам ыйын 7 күнүгэр, Улуу Кыайыы 77 сылын чэрчитинэн, Дмитрий Спиридонов аатынан 4-с нүөмэрдээх орто оскуола үөрэнээччилэрэ учууталларын уонна төрөппүттэрин кытта кэлэн «Бэллэкэ» маҕаһыын «Үтүө санаа долбууругар» бородуукта аҕаллылар.

«Бэллэкэ» маҕаһыын салайааччыта Спиридонова Люция Петровна «Үтүө санаа долбуурун» 2017 сылтан үлэлэтэр. Бородууктаны бэйэтэ толорон биэрэрин таһынан атыылаһааччылар эмиэ уураллар.

Тыыл бэтэрээннэригэр, инбэлииттэргэ, элбэх оҕолоох ыалларга туһуламмыт «Үтүө санаа долбууруттан» бородууктанан 928 киһи туһаннылар, истиҥ махтал тылларын тиэрдэллэр.

Үтүө санаалаах учууталларга, төрөппүттэргэ, оҕолорго махталбытын тиэрдэбит!