Елена Рожина бэйэтэ нуучча тылын уопуттаах учуутала. «Серебряный старт» программа туһунан куйаар ситимнэринэн билэн кыттыыны ылла. Үөрэх түмүгүнэн проект көмүскээн, партнер Антонина Лугинова анал бирииhин тутта.

«Соһуччу олус үчүгэй тэрээһиҥҥэ баран кэллим. Анаан пенсионердарга диэн аан бастакытын  оҥоһуллубут Федеральнай суолталаах «Серебряный старт» диэн проект. Россия 25 регионун хаппыт. Дальняй Востоктан биһиги Сахабыт сирэ эрэ хабыллыбыт», — диэн кэпсиир Елена Рожина.

Саастаах дьон пенсияларыгар эбинэн араас хайысханан талааннарын, сөбүлүүр дьарыктарын туһаҕа таһааран бизнес оҥостуохтарын баҕарааччыларга диэн туһуламмыт үөрэх буолар. 

Алтынньы 8 күнүттэн 17 күнүгэр диэри үөрэххэ киһи бэйэ дьыалатын хайдах тэриниэн сөбүн — бизнес-былааны оҥорууну, соцконтрагы түһэрсии, «Мин биисинэһим» Киин иһинэн ыытыллар араас таһымнаах мероприятиеларга кыттыыны, урбаанньыт төлүүр налогтарын, ханнык законнар баалларын, туох мэһэйи көрсүөххэ сөбүн, ханнык аныгы технологиялар көмө буолуохтарын сөбүн – барытын саҥа саҕалыыр киһи өйүгэр сөп түбэһэр гына боростуойдук, тиийимтиэтик көрдөрөр, кэпсиир семинардар, лекциялар, көрсүһүүлэр ыытылыннылар. 

«Быыһыгар сарсыардаттан йога дьарыга, кофе-брейк, араас мастер-класстары табыгастаахтык киллэрэн биэрбиттэрэ сэргэхситэр. Сарсыардаттан «Завтрак с министром» диэн көрсүүһүүгэ Саха сирин предпринимательствоҕа министрин бастакы солбуйааччыта Максим Карбушев кэлэн, хойуу үүттээх чэйи иһэ-иһэ истиҥ кэпсэтии тахсыбыта. Миэхэ, атын эйгэттэн кэлбит киһиэхэ, барыта сонун, туһалаах үөрэх буолла диэн тэрийээччилэргэ барыларыгар истиҥник махтанабын», — диэн уллэстэр Елена Рожина.

***

Региональный Центр «Мой бизнес» оказывает поддержку предпринимателям по национальному проекту «Эффективная и конкурентная экономика». Подробнее о мероприятиях, конкурсах, мерах государственной поддержки, выставках вы можете узнать на информационных ресурсах учреждения: Телеграм, ВКонтакте, Одноклассники, на портале Мойбизнес14.рф, а также по телефону горячей линии: 8(800)100-58-80.