Үөһээ Бүлүү дьаһалтата быһаччы кэпсэтиитинэн «Индрайвер» сыһыарыыны төрүттээбит Арсен Томскайтан ойуур баһаарыгар көмө ананна. Дьокуускай куоракка үлэлиир Үөһээ Бүлүү оройуонун представительствотын салайааччыта Анатолий Иванов Арсен Томскай Дьокуускайга үлэлэтэр «Синет Спарк» диэн тэрилтэтиттэн тиийэн ылла уонна Үөһээ Бүлүүгэ ыытта.

«Инньэ гынан 10 устуука «Штиль» бензопила, квадрокоптердар, 2 улахан уонна 4 кыра дизель, рация курдук ойуур баһаарыгар көмө буолар олус туһалаах тэриллэри биэрдилэр. Көмө уопсай суумата 1 мөлүйүөн 700 тыһыынча солкуобайга тэҥнээх. Маннык улахан суумалаах көмөнү оҥорбут үтүө санаалаах дьоммутугар-сэргэбитигэр улахан махталбытын тириэрдэбит», — диэн Анатолий Борисович санаатын үллэһиннэ.

Подробнее: https://ulus.media/article/18923