Нам улууһун Арбын нэһилиэгигэр ыраастаммыт уунан нэһилиэнньэни хааччыйар сыах үлэтин саҕалаата. Урбаанньыт Софронов Руслан Ефремович саҥа уустук идэҕэ үөрэнэн баран социальнай контракка олоҕуран, сыах арыйан олохтоохтору үөртэ.
“Мин эрдэттэн толкуйдаан, бу сыаҕы баҕаран туран астым. Билигин киһиэхэ ыраас уу олус наада. Уу киһи доруобуйатыгар наадалааҕын дьон барыта өйдөөн эрэр дии саныыбын. Уубут сыанатын билиһиннэрэр буоллахха, 20 лиитэрэлээх ыраас уулаах иһити бастаан ыларга 750 солкуобай төлөнөр. Онтон онно салгыы куттарар, эбэтэр бэйэн иһиккэр куттарар буоллаххына 100 солкуобай. Ууну дьиэҕэ тиэрдии өҥөтө баар. Оччотугар 20 лиитэрэлээх иһит 100 солкуобай буолар. Сайаапканы төлөпүөнүнэн ылабыт”, — диэн Руслан Ефремович этэр.

Социальнай контракт диэн намыһах дохуоттаах, олохтоох үлэтэ суох дьиэ кэргэҥҥэ эбэтэр туспа киһиэхэ бэриллэр көмө. Көмөнү ылбыт дьоннор үөрэнэн, үлэлэнэн, урбаанньыт буолан атахтарыгар турар эбэһээтилистибэтэлэнэр. Социальнай хантараагы түһэрсээри, эрэгийиэннээҕи социальнай харалта уорганнарыгар биитэр элбэх функциялаах кииҥҥэ тиийиэххэ сөп.

ГАУ РС(Я) «Центр «Мой бизнес»