×

Следите за новостями в Telegram-канале Центра «Мой бизнес» Якутии

Читать
Новости
Михаил Терентьев: “Киһи төрөөбүт аһын аһыахтаах”
16 августа 2022

Амма нэһилиэгэр “Мясная лавка” диэн бэрт минньигэс ааттаах саҥа маҕаһыын аһылынна. Маҕаһыын хаһаайына Михаил Терентьев “киһи төрөөбүт аһын аһыахтаах” диэн санаанан салайтаран Аммаҕа аан бастакы эт уонна халбаһыы бородууксуйаларыгар туһуламмыт дьоҕус дьиэ кэргэн маҕаһыынын аанын тэлэччи аста.

“Маҕаһыыным улахан килэйбит-халайбыт маркет курдук буолбатах. Кыра, дьоҕус, дьиэ кэргэн иллээх уйатын курдук. Манна “Мясной двор” диэн минньигэс, хаачыстыбалаах бородууксуйалаах олохтоох хампаанньаны кытта кэпсэтэн, кини бородууксуйаларын аҕалан атыылыахпыт. Дьон халбаһыы эбэтэр эт ылыан баҕардаҕына, тута манна кэлэн наадалааҕын булуон сөп. Бэйэбит кыра астыыр сыахтаахпыт. Онон аны күһүн олохтоохтортон эт, ис, хаан тутан, ону переработкалаан атыыга таһаарыахпытын баҕарабыт.

Маҕаһыыммыт биир өртүгэр “Овощи и фрукты ” диэн арыйар санаалаахпыт. Аммаҕа эмиэ аҥардас онно туһуламмыт маҕаһыын суох. Онон уопсайынан сүрүн сыалбыт диэн атыыбыт дьон күннээҕи сандалы остуолугар баар бородууксуйата буолуохтаах. Сыана туһунан этэр буоллахха, халбаһыы сыаналара холобура “Скиф”, “Хоту ас” сыаналарыттан улахан араастаһыыта суох буолуо. Улууһум олохтоохторун, кэлиҥ, сылдьыҥ диэн ыҥырабыт”, — диэн Михаил Терентьев сырдатта. Дьэ чахчы киһи кэлэр барар, бэрт табыгастаах сиригэр турар маҕаһыын буолбут. Онон “эт ылыам этэ” эбэтэр “үчүгэй халбаһыы амсайбыт киһи” диэн санаатын да, Аммаҕа киирии суол кытыытыгар, «Үрдэл» маҕаһыыны сэргэ турар “Мясная лавка” маҕаһыыҥҥа суолгун тут.

“Аммабытыгар маннык анал маҕаһыын аһыллыбыта наһаа үчүгэй. Өссө мин олорор сирбиттэн чугас. Онон атыылаһан баран тутан барарга бэрт табыгастаах. Бүгүн үөрүүлээх аһыллыыга халбаһыы араас суордуттан амсатыы буолла. Бу бэйэбит эппититтэн оҥоһуллар халбаһыылар минньигэстэр. Бэйэм сибиинньэ уонна ынах этэ ыллым. Бэртээхэйдик быһыллыбыттар. Онон хаһаайыннарга ситиһиини баҕарабын. Үүнэ-сайда туруҥ”, — диэн атыылаһааччы, бэтэрээн учуутал Галина Афанасьевна Бочугурова үөрэ-көтө санаатын үллэһиннэ.

Источник