Мэҥэ-Хаҥалас улууһугар бу сыл маҥнайгы хамыыһыйа көрүүтүгэр «судаарыстыбаннай социальнай хантыраак» бырагыраама нөҥүө көмөнү ылыыга 53 кыттааччы сайаапка биэрдэ.
Киирбит сайаапкалары көрөр анал хамыыһыйа бүгүн маҥнайгы мунньаҕа саҕаланна. Бу хамыыһыйа киирбит докумуоннары көрөн, ырытан, көрүллэр үбүлээһини тыырыыга үлэлэһэр. Ону тэҥэ, икки сыл кэриҥэ биһиги социальнай хантыраагы туттуу үлэтин, дохуот төһө улааппытын бэрэбиэркэлиир боломуочуйалаах.
Хамыыһыйа үлэтин улуус баһылыгын социальнай уонна имиджевэй бэлиитикэҕэ солбуйааччы Альбина Григорьева салайар.
Социальнай хантыраактары ылыыга сүрүннээн үлэтэ суох дьон уонна тиийинэн олоруу алын кээмэйиттэн кыра дохуоттаах үлэлээх дьон эмиэ кыттыахтарын сөп.
Көмө харчыны бэйэ дьыалатын тэриниигэ, үлэни көрдүүргэ, кэтэх хаһаайыстыба тэриниигэ уо.д.а. хайысхаҕа туһаныахха сөп.
Ааспыт сылга улууспут 129 олохтоо5ун кытта социальнай хантыраак баттаммыт, онно уопсай суумманан 20 мелуйуен 237 тыьыынча 601 солкуобай көрүллүбүт.
МТ дьаһалтатын пресс-сулууспата