Уус-Алдан улууһун, Хоро нэһилиэгэр ураты сувенирынан, художественнай оноһуктарынан дьарыктанар урбаанньыты Колесов Игорь Иннокентьевиьы кытта кэпсэттим.

“Билиҥҥи үйэҕэ киһи бэйэтэ тугу баҕарар тэринэр олоҕо кэллэ, баҕа эрэ наада буоллаҕа дии. Араас элбэх аныгы технологиялар баалларын билэр, истэр этим. Аныгы технологиянан тугу баҕарар оҥоруохха сөп” – диэн кэпсэтиибитин саҕалыыр урбаанньыт Игорь Колесов.

— Игорь Иннокентьевич бэйэн туһунан ааҕааччыларбытыгар билиһиннэр?

— Мин Бээрийэ нэһилиэгэр тохсунньу 18 күнүгэр 1977 сыллаахха төрөөбүтүм . Майаҕаска 2010 сыллаахтан  олоробут.

— Хаһаанныттан уһанар буолбуккунуй, бастакы холонуун?

— Өр кэмҥэ үлэтэ суох олорон араас толкуйга киирбитим.

Бэйэм эрдэттэн тутууга сыһыаннаах буолан онно сөптөөх тугу эмит дьарыктаммыт киһи диэн  толкуйга түспүтүм. 2018 сыллаахха  интернетинэн көрөн, үөрэтэн бараммын лазернай станогу ыларга санаммытым. Телевизорга Аммаҕа   Бубякиннар  үлэлии олороллорун көрбүтүм уонна Аммаҕа баран     илэ харахпынан көрөн кэлэргэ санаммытым. Онно тиийэн хайдах үлэлииллэрин көрөн, бэйэм сатыахпын сөп эбит дии санаан  2019 сыл сааһыгар  Пермь куораттан  лазернай станогу сакаастаабытым. Кредит нөҥүө закаазтаан ылынаммын үлэлээбитим 1 сыл буолла.  Бастаан кыра оҥоһуктары оҥорон холонон көрбүтүм. Онтон нэһилиэгим, улууһум  дьоно сакаас биэрэн барбыттара. Онон атырдьах ыйыттан предприниматель буолан үлэбин саҕалаабытым. Урбааннары ейуур фонда нөҥүө чэпчэтиилээх микрозайм ылан мастерскойбун  туттан үлэлии олоробун. Билигин дьон сакааһынан оҥоһуктары оҥоробун.

— Оноһуктарын дэтээллэрин туохтан саҕалаан онороҕунуй?

— Бастаан онорор оноһукпун макетын компьютерга уруһуйдуубун, материалбын куораттан атыылаьабын, ФК фанеранан оноробун, боростуой фанера барсыбат. Дьэ онтон уруйдаан баран станокка быһан таһаарабын, шкуркалыыбын, шлифовкалыыбын, килиэйдиибин. Инникитин УФ принтер ыларым буоллар өссө элбэҕи оноруом этэ, ол сыаналаах.

— Пандемия кэмигэр сакаас теһе киирэрий?

— Дьон сакааьынан эрэ оноробун, билигин пандемия кэмигэр сакаас соччо суох.

— Инникитин туох былааннааххын?

— Инники баҕа санаам диэн өссө  салгыы үлэбин тупсарарга эбии атын станок, компьютернай  техника ылынаммын  үлэбин өссө кэҥэтиэхпин баҕарабын.

— Эдэр сана саҕалаан эрэр урбаанньыттарга тугу субэлиэн этэй?

— Эдэр урбаанньыттарга сүбэлиэм этэ ким баҕалаах ол баҕарар санаатын толорор эбит, билигин арааһы барытын  тэриниэххэ сөп, кылаабынайа баҕа наада эбит. Билиҥҥи үйэҕэ тэринэргэ көмө элбэх. Дьон баҕа санаалара туолуон,  үлэлээх буолалларын  баҕарабын.

Кэпсэтиин иһин махтал, улэҕэр урдук ситиһиилэри, дабайыылары.

Ааптар: Мария Протопопова,

«Мин бизнеhим» Киин Уус-Алдан улууһун туспа тутар салаатын салайааччыта