Горнай улууһун баһылыга Никита Андреев дьаһалынан Горнайга билиҥҥи сыл Урбаан сылынан биллэриллибитэ.

Бу тэрээһиҥҥэ улуус баһылыга Никита Андреев, СӨ Урбааҥҥа, атыыга-эргиэҥҥэ уонна туризмҥа миниистирэ Тимур Ханды кыттыыны ыллылар. Уопсай улуус 90 урбаанньыта, ону таһынан, улуус, өрөспүүбүлүкэ экономикатын сайыннарыыга-тупсарыыга урбаан эйгэтин үтүө үлэлээх бэтэрээннэрэ, эдэр үлэһиттэрэ, тэрилтэ салайааччылара, муниципальнай тэриллии баһылыктара муһуннулар.

Улуус баһылыга Никита Андреев урбаанньыттар үтүө түмүктээх үлэни ыыталларын бэлиэтээтэ, махтанна. Урбаанньыттарга үөрүүлээх быһыыга-майгыга «Улуус сайдыытыгар кылаатын иһин» бэлиэни, Бочуотунай Грамоталары, Махтал суруктары анаата. Улуус, өрөспүүбүлүкэ сайдыытыгар өрүү бу курдук түмсүүлээхтик үлэлиэҕиҥ диэн ыҥырда.

Бу үөрүүлээх тэрээһиҥҥэ СӨ Урбааҥҥа, атыыга-эргиэҥҥэ уонна туризмҥа миниистирэ Тимур Ханды урбаанньыттар үлэлэрин үрдүктүк сыаналаан, наҕараадалары туттарда.

Үөрүүлээх түгэҥҥэ СӨ Урбааҥҥа, атыыга-эргиэҥҥэ уонна туризмҥа миниистирэ Тимур Ханды, «Куб-A» иһитиннэрэр технологияны сайыннарар киин дириэктэрэ Саргылана Петрова, улуус баһылыга Никита Андреев бииргэ үлэлэһэргэ сөбүлэҥ түһэристилэр.

Улууска урбаан, туризм эйгэтэ сайдарыгар муниципальнай бырагыраамалары олоххо киллэриигэ, киэҥ далааһыннаах үлэ былааннанар.

«Мин биисинэһим» киин өрөспүүбүлүкэ экономикатын сайдыытыгар бэйэ кылааттаах урбаанньыттар үлэлэрин-хамнастарын туһунан сырдатар. Биһиги урбаанньыттарбыт туруу үлэһиттэр буолалларын уопсастыба сыаналыыр уонна биһириир.

«Дьоҕус уонна орто урбаан» национальнай бырайыак чэрчитинэн «Мин биисинэһим» киин нөҥүө урбаанньыттарга киэҥ хабааннаах араас өҥө көрүллэр. Бу туһунан ыйыллыбыт сигэнэн киирэн ааҕыахха сөп – Мойбизнес14.рф