Ыам ыйын 27 күнүнээҕи Горнай улууһун баһылыга Андреев Н.В. дьаһалынан коронавирус тарҕаныытын сэрэтэр сыалтан ордук эмсэҕэлээбит урбаанньыттарга эбии көмө миэрэ бигэргэннэ. Ол курдук улуус резервнэй пуондатыттан 2,2 мөлүйүөн солкуобай хааччахха түбэспит урбаанньыттарга субсидия быһыытынан биэрэргэ көрүлүннэ.

Ыам ыйын 28 күнүттэн бэс ыйын 10 күнүгэр диэри көмө субсидияҕа куонкуруска сайаапкалары хомуйуу буолар.

Ыарыы тарҕаныытын сэрэтэр сыалтан бу күннэргэ Горнай улууһун нэһилиэктэринэн сылдьан уопсайа 41 атыы-эргиэн дьиэлэрин көрдүлэр, ол иһигэр 4 дьону аһатар сирдэри уонна 2 аптеканы.

Рейдэ түмүгүнэн биир маҕаһыын ирдэбиллэри тутуспатаҕа көһүннэ, онно сэрэтии бэрилиннэ уонна икки күн иһигэр көннөрүнэригэр акт толорулунна. Ол эрэн уопсай көрдөрүү үчүгэй, маҕаһыыннар ирдэбили тутуһаллар, аҕыйах маҕаһыыҥҥа кыра сэрэтии бэрилиннэ.

«Үлэ күүһэ» хаһыат.