Кинилэр сүрүннээн олохтоох урбаанньыттары, фермердары, туризм хайысхатыгар үлэлии сылдьар дьону кытта көрүстүлэр. Урбаанньыттар атах тэпсэн олорон кыһалҕаларын туоратарга сүбэ-ама ыллылар, санааларын этиннилэр. Бэрдьигэстээх олохтооҕо, Татьяна Тымыроваҕа тус көрсүһүүгэ олорор дьиэбин хайдах гостиница кына үлэлэтэбин, туох, ханнык нолуок төлүүбүн диэн ыйытыыбар олус үчүгэйдик быһаарда диэн махтанна.Бэлиэтээн эттэххэ, ордук тыа хаһаайыстыбатынан дьарыктанааччыларга элбэх ыйытыы баар эбит. Нолуокка, үүр харчыта кэмигэр кэлбэтэ, оттуур ходуһа оҥостууга тус ыйытыылар киирдилэр.
Салгыы «Төгүрүк остуолга» мустан куйаар ситиминэн Бурятияҕа туризм хайысхатынан үлэлиир урбаанньыттары кытта санаа, уопут атастастастылар.
Бурятия туроператора Ольга Буинова «Поющая стрела» диэн бараан иитэр хаһаайыстыба үлэтин сырдаппытын сэҥээрэ иһиттилэр.
Салгыы СӨ Тыатын хаһаайыстыбатын уонна аска-үөлгэ политикатын министиэристибэтиттэн субсидия, көмө, грант туһунан сиһилии сырдаттылар. Миниистири солбуйааччы Мария Карпова федеральнай суолга туризм, турмаршрут, сервис сайдыытын тула санаатын эттэ.
Бу иннинэ ыалдьыттар Мытаахха сылдьан, «Быйаҥнаах» агротуризм базатыгар, Чемезовтары кытта көрүстүлэр. Санатар буоллахха, Снежана, Руслан Чемезовтар федеральнай бырайыак кыайыылахтара буолан, грант көмөтүнэн «Быйаҥнаахха» эбии база объектарын үлэҕэ киллэрдилэр.
Онон норуот депутаттарыгар Алексей Дмитриевич Корниловка, Нюргуяна Юрьевна Заморщиковаҕа,
Татьяна Александровна Тымыроваҕа, Василий Петрович Николаевка, ону тэҥэ «ЯкутияТрип» туроператорыгар Лилия Винокуроваҕа маннык сылдьан норуоту кытта көрсөн, хайдах олороллорун, туох кыһалҕалаахтарын билсибиттэригэр олохтоохтор ис санааларыттан махтаннылар.
«Үлэ күүһэ» сонуннара