Бэрдьигэстээххэ Кыайыы болуоссатыгар «Ыччат уонна дьарыктаах буолуу» диэн улуустааҕы форум ыытылынна. Форум сурун сыала – улууска үлэтэ суохтар ахсааннарын аҕыйатыы уонна сүрүнэ эдэр ыччат дьарыктаах буолуутун ситиһии.
Форумҥа улуус баһылыгын солбуйааччыта Алгыс Стручков, дьарыктаах буолуу киинин салайааччыта Станислав Жирков, «Анаабыр алмаастара» АО кылаабынай исписэлииһэ Тихон Петров, «Налог Консалтинг» хампаанньаны төрүттээччи Алина Александрова, «Трекер развития» консалтинговай хампаанньа учредителэ Тамара Федорова кыттыыны ыллылар.
Бу күн үлэ биэрээччилэр бэрэстэбиитэллэрин кытта көрсүһүү, «Бизнес нолуогун былааннааһын», «Бизнес хаамыытын сөптөөхтүк аттарыы», «Оптимизация табыгастаах суоллара» диэн тренинг-семинардар тэрилиннилэр.
Быйылгы 2023 сылга Горнай улууһун дьарыктаах буолуутун анал программатын нөҥүө уопсайа 15 улуус олохтооҕо 150 тыһыынча солкуобай харчынан көмөнү ылан бэйэ дьыалатын арынна. Бу дьон сорохторо самозанятай, сорохторо предприниматель буоллулар.
Станислав Жирков, улуус дьарыктаах буолуутун киинин салайааччыта, улууска үлэ-хамнас таһымын туһунан кылгастык кэпсээтэ:
«Билицци куҥҥэ уопсай 60—тан тахса үлэ миэстэтин вакансията баар, ол иһигэр 20 үлэһити урбаанньыттар көрдөнөллөр. Ону таһынан «Анаабыр алмаастара» АО исписэлииһэ Петров Тихон Прокопьевич «Олохтоох кадрдары-промышленностка!» диэн программа чэрчитинэн вахтаҕа улэлии барыан баҕалаахтары кытта көрсөн, кинилэргэ тустаах быһаарыылары, сүбэлэри биэрдэ».
Кэлэр кэми түстэһэр, улууспут ыччата дьарыктаах буолуутугар туһуланар форум таһаарыылаах, ситиһиилээх суолга сирдээтин!
Үлэ сылыгар «Мин биисинэһим» киин өрөспүүбүлүкэ экономикатын сайдыытыгар бэйэ кылааттаах урбаанньыттар үлэлэрин-хамнастарын туһунан сырдатар. Биһиги урбаанньыттарбыт туруу үлэһиттэр буолалларын уопсастыба сыаналыыр уонна биһириир.
«Дьоҕус уонна орто урбаан» национальнай бырайыак чэрчитинэн «Мин биисинэһим» киин нөҥүө урбаанньыттарга киэҥ хабааннаах араас өҥө көрүллэр. Бу туһунан ыйыллыбыт сигэнэн киирэн ааҕыахха сөп – Мойбизнес14.рф
Марианна Попова
ГАУ РС(Я) «Центр «Мой бизнес»