Горнай улууһун Бэрдьигэстээх нэһилиэгэр П.Д.Аввакумов аатынан киин библиотекаҕа улууспут историятыгар киирэр «Горнайга URBAAN сайдыыта» диэн дьоһун кинигэ сурэхтэниитэ буолла.
Бу үөрүлээх тэрээhиҥҥэ улуус баһылыгын бастакы солбуйааччыта Сардаана Стручкова, улуус баһылыгын экономика5а солбуйааччыта Сахая Филиппова, СӨ «Урбааны өйүүр фонда» генеральнай дириэктэрэ Петр Максимов, Урбаан сайдар киинин салайааччыта Күндүүнэ Колесова, республикатаа5ы «Мин биисинэhим» Киин Горнайдаа5ы салаатын салайааччыта Марианна Попова, «Үлэ күүһэ» хаһыат кылаабынай редактора Күннэй Алексеева кыттыыны ыллылар.
Бу сырдык кинигэ урбаан эйгэтин хоһууннарын, эдэр кэскиллээх урбаанньыттары биир сиргэ түмтэ.
Улууспут үрдүнэн бүгүҥҥү күҥҥэ 668 киһи бу эйгэҕэ таһаарыылаахтык үлэлиир уонна улуус сайдыытыгар сүҥкэн кылааттарын киллэрсэллэр.
Быйыл улууспут 95 сылыгар күндү бэлэх буолан, күн сирин көрбүт «Горнайга URBAAN сайдыыта» диэн үлэ бастыҥнарын үйэтиппит кинигэ «Горнай улууһа» дьаһалтатын, улуустааҕы Урбаан сайдар киинин уонна улуус урбаанньыттарын үбүлээһиннэринэн 139 тирааһынан, «Дани Алмас» ХЭТ типографиятыгар бэчээттэнэн таҕыста. Кинигэни бэчээккэ олохтоох «Үлэ күүһэ» хаһыат редакцията бэлэмнээтэ.
Улуус нэhилиэктэриттэн кинигэ сурэхтэниитигэр кытта кэлбит араас сылларга урбаан эйгэтигэр улэлээн ааспыт; улууспутугар урбаан сайдыытын суолун бастакынан тэлбит хорсун санаалаах дьоммутугар анаан үтүө тыл күндүтэ, махтал мааныта, эҕэрдэ эриэккэһэ этилиннэ. Дьоhуннаах кинигэ тахсарыгар дьаныардаахтык улэлэспит дьоммутугар улуус баhылыган махтал суруктара туттарыллыннылар.
Дьон-сэргэ олорор усулуобуйатын, сайдыытын тупсарар сыралаах хайысханы бигэтик тутар улууспут урбаанньыттарыгар үрдүк дабайыылары, бигэ тутулу баҕарабыт.
Региональный Центр «Мой бизнес» оказывает поддержку предпринимателям по национальному проекту «Эффективная и конкурентная экономика». Подробнее о мероприятиях, конкурсах, мерах государственной поддержки, выставках вы можете узнать на информационных ресурсах учреждения: Телеграм, ВКонтакте, Одноклассники, на портале Мойбизнес14.рф, а также по телефону горячей линии: 8(800)100-58-80.