Сэргэ Бэскэ Александр Фомин баһылыктаах бааһынай хаһаайыстыба хортуоппуйун хомуурун тэтимнээхтик ыытар. Үлэ өссө күүһүрүөн быстах ардахтар мэһэйдииллэр.
“Хортуоппуй үүннүтэ быйыл үчүгэй. Мөлтөх диир табыллыбата буолуо. Күн бүгүн гаттан 150-нуу центнер кэлэ турар. Уопсайа биһиги 60 гаҕа ыһыылаахпыт.
Ардахтар мэһэйдээннэр билигин кыра аҥарын эрэ хомуйдубут. 300-чэкэ туоннаны ыллыбыт. Биһиги үүннэрэр суорпут «розара» уонна «гала» диэн суортар. Күн-дьыл туран биэрдэр, бу ыйынан хомууру түмүктүөхпүт”, — диэн Александр билиһиннэрдэ.