Сэтинньи ыйыгар Үөһээ Бүлүүгэ Бааһынай ырыынагын арыллыытыгар «Идэһэ-2023» атыы-эргиэн дьаарбаҥката үлэлээтэ.

Урбаанньыт Василий Прокопьев, Үөһээ Бүлүү нэһилиэгин дьаһалтата уонна Тыа хаһаайыстыбатын управлениета «Идэһэ-2023» атыы-эргиэн дьаарбаҥкатын тэрийдилэр.

Ырыынак үөрүүлээх арыллыытыгар улуус баһылыгын б.к.э.т. Люция Тойтонова, сэлиэнньэ баһылыгын солбуйааччыта Егор Михайлов, Тыа хаһаайыстыбатын управлениетын салайааччыта Сергей Иванов уонна урбаанньыт, ырыынагы үлэҕэ киллэрбит Василий Прокопьев аалай кыһыл лиэнтэни быстылар.

Алгысчыт Иван Чычахов алгыс тылын, бары мустубут дьоҥҥо үтүө баҕа санаатын эттэ.

Эмис убаһа, сүөһү этин, үрүҥ аһы, тоҥ балык арааһын олохтоохтор мааны остуолларыгар дэлэччи атыыластылар. Тэрийээччилэр хас биирдии ыалдьыты итии чэйинэн, алаадьынан күндүлээтилэр, шашлык амсаттылар.

Үлэ сылыгар «Мин биисинэһим» киин өрөспүүбүлүкэ экономикатын сайдыытыгар бэйэ кылааттаах урбаанньыттар үлэлэрин-хамнастарын туһунан сырдатар. Биһиги урбаанньыттарбыт туруу үлэһиттэр буолалларын уопсастыба сыаналыыр уонна биһириир.

«Дьоҕус уонна орто урбаан» национальнай бырайыак чэрчитинэн «Мин биисинэһим» киин нөҥүө урбаанньыттарга киэҥ хабааннаах араас өҥө көрүллэр. Бу туһунан ыйыллыбыт сигэнэн киирэн ааҕыахха сөп – Мойбизнес14.рф

ГАУ РС(Я) «Центр «Мой бизнес»