Ил Түмэн XLIV (уочараттаах) пленарнай сиэссийэтигэр «Саха Өрөспүүбүлүкэтигэр нэһилиэнньэ дьарыктаах буолуутугар ыытыллар дьайыылаах бэлиитикэ тустаах дьаһалларын олоххо киллэриигэ көмөлөһүү туһунан» 2007 сыл сэтинньи 8 күнүнээҕи 1037-III 511-С №-дээх Саха Өрөспүүбүлүкэтин Сокуонун 7 ыстатыйатын 11 пуунугар Саха Өрөспүүбүлүкэтин борокуруорун э.т. 2023 сыл ыам ыйын 10 күнүнээҕи 73-08-2023/Прт-17-23-20980001 №-дээх бырачыаһын туһунан уураах ылылынна.
Өрөспүүбүлүкэ борокуратуурата «Саха Өрөспүүбүлүкэтигэр нэһилиэнньэ дьарыктаах буолуутугар ыытыллар дьайыылаах бэлиитикэ тустаах дьаһалларын олоххо киллэриигэ көмөлөһүү туһунан» Саха Өрөспүүбүлүкэтин сокуона федеральнай сокуоҥҥа төһө сөп түбэһэрин бэрэбиэркэлээбитэ.
Саха Өрөспүүбүлүкэтин сокуонун 7 ыстатыйатын 11 пуунугар суруллубутанан, Саха Өрөспүүбүлүкэтин нэһилиэнньэ дьарыктаах буолуутун судаарыстыбаннай сулууспата бииргэ үлэлээһин дуогабарын түһэрсиигэ үлэ биэрээччилэр эбэһээтэлистибэлэрин сөптөөхтүк толороллорун бэрэбиэркэлиир, административнай буруй туһунан аактары уонна боротокуоллары оҥорууга кэһиилэр таҕыстахтарына, бу кэһиилэри туоратар туһунан дьаһал биэрэр, матырыйааллары суукка уонна быраабы араҥаччылыыр уорганнарга ыытар боломуочуйалаахтар.
«Россия Федерациятыгар нэһилиэнньэ дьарыктаах буолуутун туһунан» 1032-1 №-дээх РФ сокуона Российскай Федерация субъектарын бииргэ үлэлээһин дуогабарын чэрчитинэн эбээһинэстэрин сөптөөхтүк толорууларын хонтуруоллуур (кэтиир) боломуочуйаларын биэрбэт.
«Российскай Федерация субъектарыгар публичнай былааһы тэрийии уопсай бириинсиптэрин туһунан» федеральнай сокуоҥҥа нэһилиэнньэ дьарыктаах буолуутугар туһуламмыт миэрэлэри Российскай Федерация уонна Российскай Федерация субъектара бииргэ олоххо киллэриэхтээхтэр диэн этиллэр.
Ол иһин субъектар сокуоннара нэһилиэнньэ дьарыктаах буолуутугар көмөлөһүү эрэгийиэннээҕи судаарыстыбаннай хонтуруолун (кэтэбилин) тэрийэр кыахтара суох.
2020.07.31. 248-ФС №-дээх Федеральнай сокуон 26, 29, 90 ыстатыйаларыгар этиллэринэн, бэрэбиэркэни ыытыыны, түмүктэринэн аактары оҥорууну, дьаһаллары биэриини итиэннэ буруйдаахтары эппиэтинэскэ тардыыга туһуламмыт миэрэлэри ылыныыны хонтуруоллуур (кэтиир) уорганнар боломуочуйалаах дуоһунастаах дьоно оҥороллор.
Өрөспүүбүлүкэтээҕи нэһилиэнньэ дьарыктаах буолуутун судаарыстыбаннай сулууспатын уорганнара боломуочуйалаах хонтуруоллуур (кэтиир) уорганнар буолбатахтарынан сибээстээн, эрэгийиэн сокуоннара кинилэргэ бэрэбиэркэни ыытыыга биэрэр бырааптара олоҕо суох буолар.
Куоластааһын түмүгүнэн норуот дьокутааттара уурааҕы ылыннылар.
Ил Түмэн пресс-сулууспата