Новости
Чурапчыга күүтүлээх канализационнай очистной сооружение үлэҕэ киирдэ
27 марта 2018

Кулун тутар 26 кунугэр Чурапчы улууһугар биир бэлиэ, долгутуулаах күн буолла. Ол курдук, 2017 сылтан тутуутун үлэтэ саҕаламмыт канализационнай очистной сооружение үлэҕэ киирдэ. Бу уһулуччу улахан, сөҕүмэр объект үлэҕэ киириитэ элбэх кэпсэтиилэр түмүктэринэн, федеральнай программа үлэтин түмүгүнэн ситиһилиннэ. 

Бүгүҥҥү дьоро күҥҥэ ыҥырыылаах ыалдьыттарынан Республикабыт Ил Дархана Е.А. Борисов, РФ ДьУоКХ сайдыытыгар бииргэ сүрүннэһэр фонда Государственнай корпорациятын наблюдательнай Сэбиэтин Председателэ Сергей Вадимович Степашин, бу фонда кылаабынай дириэктэрэ Константин Георгиевич Цицин, тустаах министерстволар кыттыыны ыллылар.


Үөһээ этиллибит дьаһалга кытта Инвестиционнай сайдыыга уонна урбааҥҥа министрэ Антон Александрович Сафронов кэлэн барда, бириэмэ аттаран  «Чурапчы» ТХПК үлэтин хамнаһын билистэ, кооператив улэһиттэрин кытары төгүрүк остуолга көрүстэ, ол кэннэ кооператив  объектарын кэрийэн көрдө, ону тэҥэ улуустааҕы ветеринария  лабораториятын дьиэтигэр сырытта, үлэһиттэри кытта кэпсэттэ. Биллэрин курдук кооператив үлэтин 1997 сыллаахха саҕалаабыта, оччолортон бу күҥҥэ дылы кооператив тэтимин ыһыктыбакка күүстээхтик үлэлиир, билиҥҥи кэмҥэ оборудованияны, объектары саҥардыы бара турар. Саҥа тэриллэн эрэр олохтоох оҥорон таһаарааччылар фондалара саамай сөпкө аһыллан эрэрин тоһо5олоон эттэ кооператив председателя Николай Афанасьевич Аржаков, тэрилтэ главнай бухгалтера Анна Петровна Макарова ЕСХН налогка НДС киирэн эрэриттэн бэйэтин тус санаатын эттэ. Төгүрүк остуолга улуустааҕы ветеринария начальнига Владимир Иванович Еремеев кыттыыны ылла. Үлэһиттэр да Антон Александрович санааларын үллэстэн төгүрүк остуол тула кэпсэппиттэрин астыннылар.