ИП Ульяна Заровняева бизнес тэриммитэ быйыл 10 сыла буолар. Кини анал үрдүк инженер-технолог идэлээх специалист. Бэйэтэ кэпсииринэн 2014 сыллаахха биир кыра пекарняны арынан урбаанньыттар маҕаһыыннарын килиэбинэн, кондитерскай оҥоһуктарынан хааччыйбыт. Бу саҕалааһыныгар технологическай оборудование ылынарыгар государственнай, муниципальнай көмөнү ылбыта төһүү күүс буолбут. Билигин 2024 сылга Чурапчы сэлиэнньэтигэр «Бурдук ас» биир кэлим производственнай килиэп, булочнай, кондитерскай оҥоһуктарын астыыр сыаҕы, икки кафены үлэлэтэр. Оҥорон таһаарбыт бородууксуйатын икки «Настоящая пекарня» диэн бэйэтин специализированнай киоскаларыгар нэһилиэнньэҕэ атыыны тэрийэр уонна урбаанньыттары хааччыйар. Ону таһынан нэһилиэнньэттэн заказ ылан астаан тиэрдэн биэрэр өҥөнү оҥорор.

Бу сыл балаҕан ыйын биэс күнүгэр ЧГФКиС 200 миэстэлээх саҥа уопсайын остолобуойугар общественнай аһылыгы тэрийэн арыйда, 10 саҥа үлэ миэстэтин таһаарда. Компанияга барыта 30 тан тахса үлэһит улэлиир. Кондитердар, повардар анал үөрэҕи барбыт разрядтаах улэһиттэр уонна эбии билиилэрин хаҥытаналлар, үрдэтэллэр.
Ульяна Николаевна дьиэ кэргэнинээн «Мой бизнес» киин «Семья — Мой бизнес» өрөспүүбүлүкэтээҕи дьиэ кэргэн бэстибээлэгигэр сылдьан международнай спикер Павел Вербнягы кытары көрсүһүүгэ кыттыыны ылбытын туһунан «эбии билии ылан уонна дьиэ кэргэнинэн дуоьуйа сынньанан кэллибит” диэн астына кэпсиир.

Балаҕан ыйын 21 күнүгэр Чурапчы сэлиэнньэтигэр Урбаанньыт күнүгэр сөп түбэһиннэрэн “Доруобай аһылык-доруобуйа төрдө” диэн физкультура уонна спорт Институтун остолобуойугар эбиэстэн, оҕуруот аһыттан, тыа сирин бэйэ бородууксуйатыттан оҥоһуллубут, астаммыт астары атыыга таһаарыаҕа, доруоһата суох килиэп аһытыытын оҥорору, хайдах тиэстэни туруоран мэһийэри, килиэби буһаран таһаарары кэпсиэҕэ, көрдөрөн Мастер класс ыытыаҕа.