Горнай улууһун Бэс Күөлүн олохтооҕо, урбаанньыт Илья Осипов быйылгыттан ыҥырыа иитэн, олохтоох мүөт оҥоруутунан дьарыктанан саҕалааабыта. Билиҥҥи кэмҥэ номнуо «Атамайский мёд» Разнотравье диэн ааттаах бородууксуйата атыыга таҕыста.

Урбаанньыт бэс ыйыгар 5 тыһыынча ыҥырыаны атыылаһан аҕалан, 5 ыҥырыа уйатын «Балтараа» сайылыгар туруоран, иитэн саҕалаабыт. Сайыҥҥы кэмигэр көрүүтэ-харайыыта диэн анал көстүүм, бэрчээкки кэтэн, бириэмэтин уонна миэстэтин сөпкө табан, соталарын уларытан көһөрүү буолар. Кыһын биир кэм температураҕа +2 кыраадыска туруохтаах, ол өттүгэр тэттик ыарахаттардаах соҕус буолан, фермер ыҥырыаларын Дьокуускайга кыстата ыыппыта.

Илья Осипов быйыл сайын биир уйаттан быһа холоон 20 киилэ мүөт ылла. Кини кэлин ыҥырыаларын ахсаанын элбэтэн, хаһаайыстыбатын кэҥэттэр баҕалааҕын биллэрдэ.

Үлэ сылыгар «Мин биисинэһим» киин өрөспүүбүлүкэ экономикатын сайдыытыгар бэйэ кылааттаах урбаанньыттар үлэлэрин-хамнастарын туһунан сырдатар. Биһиги урбаанньыттарбыт туруу үлэһиттэр буолалларын уопсастыба сыаналыыр уонна биһириир.

«Дьоҕус уонна орто урбаан» национальнай бырайыак чэрчитинэн «Мин биисинэһим» киин нөҥүө урбаанньыттарга киэҥ хабааннаах араас өҥө көрүллэр. Бу туһунан ыйыллыбыт сигэнэн киирэн ааҕыахха сөп – Мойбизнес14.рф   

ГАУ РС(Я) «Центр «Мой бизнес»