Ааспыт өрөбүллэргэ Горнай киин нэһилиэгэр Бэрдьигэстээххэ улуустааҕы «Бизнес стартап» диэн «Талакан» хампаанньыйа салайааччыта, урбаанньыт Василий Петрович Николаев көҕүлээһининэн, спонсордааһынынан анал куонкурус буолан ааста.

Манна улуус 15-25 саастаах ыччаттара бизнес бырайыактары көмүскээн 200 000 солк. тиийэ үбүлээһини бэйэ дьыала арыныытыгар ылалларыгар кыах бэрилиннэ.

Конкурс кыттыылаахтара бу иннигэр «Мин бизнеһым» Киин ыытар «Азбука предпринимателя» диэн анал онлайн үөрэҕэр үөрэммиттэрэ.

«Бизнес стартап» күрэх дьүүллүүр сүбэтэ:

1. Василий Николаев – «Талакан» группа хампаанньыйатын салайааччы;
2. Сахая Филиппова – Горнай улууһун экономическай сайдыы управлениятын начальнига;
3. Марианна Попова – Горнай улууһун «Мой бизнес» Киин салайааччыта;
4. Александра Никифорова – Горнай улууһун «Бизнес инкубаторын» директора;
5. Мария Корякина – Горнай улууһун үөрэх управлениетын начальнигын методическай чааһыгар солбуйааччы;
6. Туяра Константинова – Л.Е. Лукина аатынан эбии үөрэхтээһин киинин методиһа, школьнай бизнес-инкубатор куратора;
7. Алена Михайлова – урбаанньыт, Бэрдьигэстээххэ уонна Покровскайга «Скинтайм» корейскай маҕаһыын салайааччыта;
8. Потап Павлов – «Асыма» придорожнай сервис салайааччыта;
9. Күннэй Алексеева – урбаанньыттар бырааптарын боломуочунайа, «Үлэ күүһэ» хаһыат редактора.

Бу тэрээһиҥҥэ алта номинацияҕа уопсайа 30 кыттааччы, 25 бизнес-бырайыак кыттыыны ыллылар.

Оҕолор бэйэлэрэ оҥорон таһаарбыт бородууксуйаларын дьүүллүүр сүбэҕэ билиһиннэрдилэр, проектарын сиһилии кэпсээн көмүскээтилэр, бэриллибит ыйытыыларга эппиэттээтилэр.

Бу сырыыга сахалыы харысхаллартан, сувенирдардартан, эмтээх чэйдэртэн саҕалаан, араас компьютернай программалары уонна оонньуулары оҥорон таһаарыыга, кейтериҥҥа, маникюрнай кабинетка, бэл диэтэр, «сахапатч» оҥорор бырайыактары тиийэ бэлэмнээбиттэр, бизнес-план суруйбуттар.

Бүгүҥҥү стартапка Василий Николаев икки оҕону чорботон, иккиэннэригэр 100 000 солк. бэйэ дьыалаларын салгыы үлэлэтэллэригэр диэн туттарда.
Ол курдук, Мытаах нэһилиэгиттэн сылдьар кондитер Дамир Платоновка уонна Бэрдьигэстээххэ мини-зоопарканы үлэлэтэр Яна Даниловаҕа үөрүүлээх күн үүннэ.

Маны таһынан, атын кыттааччылар конкурс экспертэриттэн тус бэйэлэриттэн анал сертификаттарынан уонна уу харчынан наҕараадаланнылар.

Василий Николаев тэрээһини үрдүктүк сыаналаан санаатын үллэһиннэ:

«Билигин Арассыыйа оҥорон таһаарар бородууктата, табаара, өҥөтө элбээн иһиэхтээх. Самодостаточнай, бэйэтэ бэйэтин хааччынар дойду буолуохтаахпыт. Ол иһин биһиги оҕолортон, эдэр ыччаттан саҕалаан оннугу киллэриэхтээхпит. Ону өйдөөн туран саҥа тахсан иһэр ыччаттарга көмөлөһор сыаллаах бу конкурс тэриллибитэ. Бугун кыайыыны ситиһэн бэйэ дьыалатын арынналларыгар, араас хайысхалаах комону ылбыт кыттааччылар талбыт дьыалаларын сопко тэринэн, салгыы ситиһиилээхтик дьаЬанан, инникитин улахан бизнеска тахсалларыгар эрэнэбин уонна кинилэргэ ситиһиилэри ба5арабын!».

Марианна Попова

ГАУ РС(Я) «Центр «Мой бизнес»