«Кириэстээх» ТХПК этин, үүт бородууксуйатын нэһилиэнньэ хамаҕатык атыылаһар. Түгэн көһүннэр эрэ алмаастаах Мииринэйгэ эмиэ атыылыыллар.
Сунтаар улууһа бэйэ оҥорон таһаарар бородууксуйатынан хааччыллыыта хайдаҕын билээри биһиги «Кириэстээх» ТХПК бэрэссэдээтэлэ Владимир Егоровы кытта сибээстэһэ сырыттыбыт:
— «Бэйэм көрүүбэр хаһаайыстыбабыт улууһу эт-үүт бородууксуйатынан хааччыйан олорор дии саныыбын. Үүт аһылыгынан оҕо саадтарын, оскуолалары дуогабар быһыытынан толору хааччыйабыт. Биһиги оҥорон таһаарар бородууксуйабытын улуус киинигэр 14 атыы-эргиэн туочуката батарар. Ол курдук эт бородууксуйатын биһиги 1 №-дээх атыы-эргиэн ырыынагар, үрүҥ аһы «Татыйыына» фирма, «Корона», «Альфа», «Алина» о.д.а. маҕаһыыннар нөҥүө олохтоохторго батарабыт. Бородууксуйабыт атыыга кэбэҕэстик барар. Ол аата биһиги үлэбит сыаналанар эбит».