Атамай оскуолатын үөрэнээччитэ урбаан эйгэтигэр сатабылын көрдөрдө

Олунньу 16-20 күннэригэр Дьокуускайга «Профессионалы» чемпионат «Предпринимательство» сатабылыгар региональнай түһүмэҕэ ыытылынна.

Горнай улууһун чиэһин, улуустааҕы түһүмэхтэн талыллыбыт В.Д.Лонгинов аатынан Атамай орто оскуолатын X кылааһын үөрэнээччитэ Айтаана Павлова көмүскээтэ. 5 күннээх күрэх 8 түһүмэҕинэн тэрээһиннээхтик ыытылынна.

1 А түһүмэххэ: «видеовизитка», «видео о купце», «бизнес-план», «финансовая модель», «маркетинговое исследование», «ведение вк страницы компании» диэн критерийдэр сыаналаннылар.
2 Б түһүмэххэ: оҕолор тутатына олорон көмпүүтэргэ бизнес идеяларын суруйан экспертарга көмүскээтилэр.
3 В түһүмэххэ: «целевая группа» хайысханы арыйан көмүскээтилэр.
4 Г түһүмэххэ: маркетинговай хампаанньа былаанын оҥорон көрдөрдүлэр.
5 Д түһүмэххэ: үлэлэрин 2 сыллаах былаанын толору суруйан билиилэрин дакаастаатылар.
6 Е түһүмэххэ: толору финансовай расчет оҥорон суотка, эксель бырагыраамаҕа үлэлиир сатабылларын арыйдылар.
7 Ж1 түһүмэххэ: хампаанньа инники сайдыытын, бородууксуйаларын рекламатын оҥордулар, сэрэбиэйин  талан ылбыт тэрилтэлэригэр коммерческай сурук суруйдулар.
8 Ж2 түһүмэххэ: атыылаһааччы иннигэр туран, бородууксуйаларын туһунан кэпсиир, рекламалыыр, атыылыыр сатабылларын көрдөрдүлэр.

8 түһүмэҕи барытын ситиһиилээхтик ааһан, урбаан эйгэтигэр ураты үрдүк сатабылын көрдөрөн, Айтаанабыт 2 миэстэ буолан  үөртэ.

Айтаананы, салайааччытын Татьяна Павлованы, Атамай оскуолатын коллективын, хас да сыллаах үлэҕи үтүө түмүктээх буолбутунан итиитик-истиҥник эҕэрдэлиибит. Сатабыллаах ыччаты иитэр үтүө үлэҕитигэр үрдүк ситиһиилэри баҕарабыт.

Источник