Амматааҕы сынньалаҥ пааркатыгар быйылгы сылга маҥнайгы ыһыах алгыһа түстэ. Улуус урбаанньыттара түмсэннэр сыл түмүгүн таһаарар, үүммүт дьыл былааннарын торумнуур түгэннэрэ тосхойдо.
Сырылатан күн да күн үүммүт. Сайын былааһыгар киирбит кэмигэр, бүгүн, Амматааҕы сынньалаҥ пааркатыгар улуус урбаанньыттара түмсэннэр ыһыах ыстылар. Бу үөрүүлээх күнүнэн ыалдьыттары улуус баһылыга Николай Архипов, Амма нэһилиэгин баһылыга Михаил Артемьев, “Мин биисинэһим” киин салайааччыта Евгений Афанасьев, улуустааҕы киин балыыһа кылаабынай бырааһын солбуйааччы Дмитрий Васильев, Бөтүҥ нэһилиэгин баһылыгын солбуйааччы Алексей Стручков, Амма Наахара нэһилиэгин баһылыгын солбуйааччы Сахаяна Михайлова эҕэрдэлээн баҕа санааларын бастыҥын анаатылар.
Үөрүүлээх күн өрөгөйүн бу күн таһаарыылаах үлэлэрэ, улуус социальнай-экономическай сайдыытыгар киллэрбит кылааттарын иһин наҕараадалары туттарыы өссө үрдэттэ. Ол курдук, СӨ атыыга, туризмҥа уонна урбааҥҥа министиэристибэтин Грамоталарынан Наталья Шишигина (Амма), Валентина Нерлова (Амма), Николай Алексеев (Амма), Тамара Феофанова (Сэргэ Бэс), Николай Дыдаев (Сулҕаччы), министиэристибэ Махталынан Павел Софронов (Мээндиги), Андрей Федотов (Болугур), Григорий Аммосов (Амма), Марианна Ефимова (Амма), улуус баһылыгын Махталынан Оксана Пахомова (Амма Наахара), баһылык Махтал суруктарынан Ирина Ефремова (Чапчылҕан), Сахаяна Шараборина (Амма), Татьяна Гаврильева (Амма), Иван Тосин (Амма), Валерий Максимов (Амма), Агафья Маркова (Бөтүҥ), Анастасия, Николай Кайдаловтар (Абаҕа), Андрей Никифоров (Амма Наахара) бэлиэтэннилэр.
Амма нэһилиэгин баһылыгын Бочуотунай грамотатын Виктория Родионова, Светлана Данилова, Виктория Тихонова, Мария Кондакова, Махтал суруктары Лена Прокопьева, Фекла Артемьева, Евдокия Антонова, Ирина Стручкова, Наталья Киренская, Татьяна Атласова туттулар. Маны сэргэ ковид ыарыы тарҕанар кэмигэр көмө буолбут дьоҥҥо киин балыыһа кылаабынай бырааһын солбуйааччы Дмитрий Васильев Махтал суруктарын аадырыстаах дьонугар туттартаата.
Улуус атыытын-эргиэнин, өҥө оҥорор хайысхатын баһылыыр-көһүлүүр, нэһилиэнньэ наадыйыытын хааччыйар, күнү-дьылы аахсыбакка өрүү үлэ үөһүгэр сылдьар дьоммутугар инникитин даҕаны бу тэтимҥитин ыһыктыбакка таһаарыылаах үлэни баҕарабыт.