Ааспыт сылга ИП Федотов Р.Е. тэрилтэтэ Аммаҕа урут бааһына буола сылдьан баран, быраҕыллыбыт сирдэри чөлүгэр түһэрэргэ ылсыбыта. Үлэ быйыл салҕанан туорах бурдук бастакытын ыһыллан үлэ саҕаланна.
Бу күннэргэ Ил Түмэн дьокутаата, меценат Руслан Федотов бэйэтин тэрилтэтин күүһүнэн бааһыналары чөлүгэр түһэрии үлэтигэр ылсыбыт үлэтин саҕалаата. Ол курдук ааспыт сылга хорутуллубут сирдэргэ, уопсайа 380 сиргэ ыһыыны ыытар. Ол иһигэр Дьабыга 180 гаҕа эбиэс уонна онтон ордубут сиригэр, Хойуу уонна Өлөҥнөөх учаастагар 200 гаҕа элбэх сыллаах оту ыһыаҕа. Руслан Еремеевич этэринэн, мантан 3 сылынан элбэх сыллаах от сиэмэтин ылыахтара. Бааһынаны сыспай сиэллээх, хороҕор муостаах киирэн тэпсибэтин курдук 7 км усталаах күрүө тутуута саҕаланна. Бу элбэх сыллаах оту ыһыы сүрүн ирдэбилэ буолар.
