Арассыыйаны утары санкцияларынан сибээстээн сөбүгэр сыаналаах миэбэли оҥорон атыылыыр шведскэй ИКЕА хампаанньа биһиги дойдубут сиригэр-уотугар үлэтин тохтоппута. Онон билигин бэйэ оҥоһуу миэбэлэ хаһааҥҥытааҕар да наадалаах, сыаналанар курдук буолла.

Уус Алдаҥҥа маһынан араас миэбэли оҥорор уус элбэх. Олортон биирдэстэрэ – Курбуһах нэһилиэгиттэн төрүттээх эдэр киһи Данил Иванов билигин улуус киинигэр «Al Dan-миэбэл» диэн бэйэ дьыалатын арыйан уһанар. Данил 2020 сыл бүтүүтүттэн «бэйэни дьарыктаах оҥоруу» (самозанятай) статустанан, сакааска араас миэбэли оҥорор. Бэйэтэ этэринэн, 2019 сылтан эрэ уһанан боруобалаабыт уонна табыллар эбит диэн бу дьарыгыттан дохуот киллэринэргэ санаммыт.

Источник