Бүгүн Кэбэргэнэ уонна Сыаҥааннаах бэрэстэбиитэллэрэ Үөһээ Дьааҥы улууһуттан сылгы хаанын тупсарарга 6 сылгыны аҕаллылар.

Иван Атласов, Майыар национальнай нэһилиэгин баһылыга:

– «Уолаттар кыһыҥҥы суолу баттаһа, Адыаччы сэлиэнньэтин “Баачаан” (дириэктэр Владимир Чириков) базатыттан сылгылары тиэйэн аҕаллылар. Бэрэстэбиитэллэри Үөһээ Дьааҥыга истиҥник көрүстүлэр. Түргэн-тарҕан туттунуу, үөрэ-көтө сэһэргэһии, уопсай дьыалаҕа бэриниилээх буолуу түмүгэр сылгылар иккис дойдуларыгар үктэннилэр.

Майыар национальнай нэһилиэгэ муҥурдаахтары кытта икки өттүттэн илии баттаһан, нэһилиэк бюджетыттан 246 тыһ. солк. көмө көрдүлэр. Бу иһигэр 150 тыһ. солк. тиэйэн аҕалыыга уонна биирдии сылгы төбөтүн 50%-ын уйунарга.

“Илин эҥэр” бааһынай хаһаайыстыба соноҕос, тый, убаһа ылла. Оттон “Зырянов” урбаанньыт 2 тыйы, 1 убаһаны.

Үөһээ Дьааҥы улууһуттан сыспай сиэллээҕи аҕалтарарга көмөлөспүт улууспут баһылыгар Станислав Цюхцинскайга, баһылыгы солбуйааччы Владимир Слепцовка, тыа хаһаайыстыбатын начаалынньыгар Михаил Ефимовка, нефтебаза суоппарыгар Владимир Шафиковка, Муҥурдаах нэһилиэгин баһылыгар Олег Корякиҥҥа, солбуйааччытыгар Илья Зыряновка, Сыаҥааннаах чулуу сылгыһыт уолаттарыгар, Майыар нэһилиэгин баһылыгы солбуйааччы Олимпий Костромиҥҥа, тыа хаһаайыстыбатын специалиһыгар Спиридон Никулиҥҥа, сылгыһыт уолаттарга Алексей Слепцовка уонна Иван Никулиҥҥа, Усуйаана чулуу уолугар Егор Климовскайга барҕа махталбын тиэрдэбин. Абый улууһун сыспай сиэллээҕэ элбии туруохтун».

Александра ЗАРОВНЯЕВА
Источник: ulus.media
Подробнее: https://ulus.media/2021/02/19/abyjdar-ee-daa-yttan-sylgy-a-allylar/