Кэмпириэнсийэ үөрүүлээх арыллыытыгар эҕэрдэ тылларын улуус баҺылыга Степан Кузьмин, улуус дьокутааттарын Сэбиэтин бэрэссэдээтэлэ Владимир Колосов уонна Абаҕа нэҺилиэгин дьаҺалтатын аатыттан исписэлиис Татьяна Тимофеева тиэртилэр. Бу кэнниттэн пленарнай чаас, үөрэнээччилэргэ маастар -кылаастар, секциянан үлэлэр саҕаланнылар.
Пленарнай мунньахха сүрүн дакылааттары ХИФУ ЮНЕСКО кафедратын салайааччыта, педагогическай билим дуоктара Анатолий Жожиков, тыа хаҺаайыстыбатын билимин кандидата, СО РАН криолитозона биологическай кыҺалҕаларын институт старшай научнай сотруднига Иннокентий Федоров, ХИФУ историческай факультетын старшай преподаватэлэ, инновациялар наукаларын Департаменын ыччаттар наукаларын сайдыытын салаатын начальнига Александр Егоров, Амма улууҺун баҺылыгын социальнай боппуруостарга солбуйааччы Николай Ларионов уонна Амматааҕы лиссиэй географияҕа учуутала Алена Быстрова оҥордулар.
Бу күн «Амма улууҺун үөрэҕин тэрилтэлэрин туристическай маршруттарын биир кэлим реестрин оҥоруу» диэн бырайыак ситимэ үлэтин саҕалаата. Кэмпириэнсийэ күн устата хас да секциянан үлэлиэ, түмүккэ резолюция ылыллан Амма улууҺун геокультурнай кыаҕын туҺанан улуус социальнай-экономическай сайдыытыгар олугу ууруо. СиҺилии бу туҺунан сайтка уонна хаҺыакка сырдатыахпыт.