Урбаанньыт Атласова Марианна Дмитриевна «Эрчим» маҕаһыыны 15 сыл анараа өттүгэр аспыта, олохтоохтору быспакка бородууктанан, араас наадалаах табаардарынан хааччыйан кэллэ, дьон сөбүлээн сылдьар. Бэҕэһээ аныгылыы оҥоһуулаах, киэҥ-куоҥ маркет аһыллан дьон-сэргэ үөрүүтэ үксээтэ. Маҕаһыыҥҥа киһи наадыйара барыта баар, чугас нэһилиэктэртэн кытта кэлэн атыылаһан бараллар.
Ону тэнэ сотору ИП М.Д. Атласова нэһилиэк олохтоохторун ыраас уунан хааччыйар оборудованиены үлэлэтэн, мантан ыла бэйэбит нэһилиэкпитигэр бутилированнай ыраас уунан хааччылларбытын үөрэ иһиттибит.
Марианна Дмитриевна элбэх оҕолоох ийэ, олоххо активнай позициялаах киһи. Нэһилиэккэ ыытыллар спортивнай уонна культурнай тэрээһиннэртэн туора турбакка кыттан кэллэ.
Саҥа маҕаһыын ситиһиилээхтик үлэлииригэр, элбэх махталлаах атыылаһааччылаах буоларыгар баҕарабыт!