Абаҕаҕа дьон сөбүлээн сылдьар «Чараҥ» маҕаһыынын хаһаайыттара Анастасия, Николай Кайдаловтар нэһилиэкпит элбэх оҕолоох ыалларыгар соһуччу Саҥа дьыллааҕы бэлэх оҥорон үөртүлэр, дьон махталын ылыахтарын ыллылар.

Эдэр ыччаты үтүөҕэ-кэрэҕэ үөрэтэн, биир нэһилиэккэ олороммут бэйэ — бэйэҕэ чугас, сылаас сыһыан баар буоллаҕына эрэ сайдыахпыт, үүнүөхпүт диэн санааттан биир дойдулаахтарбытыгар умнуллубат түгэни бэлэхтииргэ сананныбыт диэн

улахан дьиэ кэргэн хаһаайката, амарах санаалаах урбаанньыт Анастасия Кайдалова санаатын үллэстэр. Уонна үүммүт сылга абаҕаларга бука барыларыгар ситиһиилэри, элбэх үөрүүнү уонна чэгиэн чэбдик доруобуйаны баҕаралларын этэр.

— Кайдаловтар дьиэ кэргэттэрэ Эргэ саҥа дьылга элбэх оҕолордоох ыалларга бэлэх оҥорон, оҕолор, эдэр ыаллар үөрүүбүт муҥура суох. Саҥа сылы үтүө үөрүү үктэллээх саҕалаан, дьоҥҥо-сэргэҕэ истиҥ сыһыаҥҥыт холобур буола турдун! Махтал бастыҥа буоллун!

Дьиэ кэргэҥҥит өссө да бөҕөргүү, саҥаҕа, кэрэҕэ салаллан, дьоллоох, доруобай буолуҥ!,- диэн улахан ыал ийэтэ, эбэтэ Нина Ильинична Устинова махтанан бэйэтин алгыһын тиэртэ.

Подробнее: https://xn--80aaaambpp4b1d.xn--p1ai/article/38215