«Байдам» журнал корреспондена Илья Оконешников Чурапчыга  командировкаҕа кэлэн, олохтоох бэйэ табаарын оҥорор урбаанньыттарга сылдьан интервью ылыам этэ диэн телефон нөҥүө көрдөһүүтун ылынан олунньу 16-с, 17-с күннэригэр түөрт урбаанньыттары кытары  үлэлиир сыахтарыгар сылдьан билистибит.

Урбаанньыттары өйүүр киин үлэһитэ буоларым быһыытынан, биир эрэ сыл буолбакка, куруутун билсэр, хас биирдиилэрин туһунан барытын билэр курдук этим да, Илья Оконешниковтыын сылдьан, өссө элбэх саҥаны биллим, дьоннорум атын өттүттэн арыллан көһүннүлэр.

Ол курдук, Бааха Уус,  ол эбэтэр Василий Степанович Попов, тимири уһаарар мастерскойугар, «Дархан Уус» 2018 сыллааҕы күрэҕэр бэлэмнэнэн үлэ күөстүү оргуйа турар  кэмигэр, дириҥ ис хоһоонноох кэпсэтии таҕыста. Бааха Уус рунографияны төрдүттэн үөрэтэрин ааһан, бэйэтэ оҥорор быһахтарыгар, алгыс тылын төрүт былыргылыы суруйар эбит. Дэгиттэр талааннаах худоһунньук Георгий Васильевич иллэҥ кэмигэр  хайыһарынан дьарыктанар эбит. Кондитерскай сыахтаах Ульяна Николаевна корреспондеҥҥа маастар кылаас көрдөрөн, «Бамдам» журнал бэйэтэ аан бастакытын анал тортанна. Агафья Петровна талааннаах, иистэнньэн илиитинэн тикпит сумкаларын, оҥоһуктарын, эргэ тирии саппыкыттан этэрбэс тикпитин көрдөрдө. Бу хас биирдиилэрин туһунан «Байдам» журнал бу сыллааҕы иккис нуөмэригэр тахсар ыстатыйалары сиһилии ааҕаргытыгар ыҥырабын.

Источник: Саргылана Атласова, представитель Центра поддержки предпринимательства в Чурапчинском улусе