Бу күннэргэ Горнай улууhун Бэрдьигэстээх нэhилиэгэр С. Ковров уулуссатыттан Березовай уулуссаҕа киирии суолугар «Темп» маҕаһыын салайааччыта, урбаанньыт Владимир Спиридонов бэйэтин кыаҕынан 40 тонна гравий куттаран тэҥнэттэ.

Березовай уулусса туруга мөлтөх этэ – улахан ардахтарга алдьанан, ордук массыыналаах дьон суол куһаҕаныттан эрэйдэнээччилэр.

Уулусса умнаһын Владимир инники сылларга эмиэ бэйэтин кыаҕынан көрөн-истэн кутуу үлэтин ыыппыта. Бу уулуссаны тупсарыыга, маҕаһыын салалтатын былаана билигин даҕаны элбэх.

Бу курдук олохтоох нэһилиэнньэ туһугар үтүө бачыымы оҥорор, чахчы дойдутугар бэриниилээх санаалаах үлэһит, урбаанньыт дьон төрөөбүт түөлбэ сайдарыгар кылаатын киллэрэр.