Горнай улууһун, Атамай нэһилиэгин урбаанньыттара быйыл ыам ыйыгар, Тимченко Үтүө дьыала Пуондатын үбүлээһининэн тэриллибит «Среда возможностей» күрэх кыайыылаахтара оҕолорго анаан урбаан эйгэтигэр экскурсионнай практика тэрийдилэр.

Оскуола үөрэнээччилэрэ, урбаанньыттар үлэлэрин билистилэр, миэстэтигэр оҥорон таһаарыы үлэтин эттэринэн-хааннарынан биллилэр. Ол курдук, Дмитрий Аввакумов тимир көлөнү өрөмүөннүүр мастерскойугар, үлэ хайдах быһыылаахтык ыытылларын, онно туох-ханнык туттар тэриллэр наадаларын билистилэр, интэриэһиргиир боппуруостарын ыйыттылар.

Урбаанньыт Алексей Петров бедеҥ ынах-сүөһү тутар хаһаайыстыбатыгар сырыттылар, элбэх үлэттэн-хамнастан тахсар үлэни көрөн-истэн сөҕө махтайдылар. Татьяна Алексеева мини-типографиятыгар сылдьан, хаартыскаҕа түһэрии кистэлэҥнэрин биллилэр, хаартысканы көннөрөн, тупсаран бэчээттээн таһаарарга үөрэннилэр. О5олор Филипповтар дьиэ кэргэн пекарняларыгар, пицца астаан көрдүлэр, атыы-эргиэн сатабылларыгар үөрэннилэр.

Ити курдук, нэһилиэк урбаанньыттара бэйэлэрин куннээҕи эрэ улэлэринэн муҥурдаммакка, оҕо сайдар кэскилин тустээн, нэьилиэк дьонун-сэргэтин кытта түмсэн, бииргэ үлэлиир-хамсыыр, айар-тутар, сайдыы суолун буларга көмөлөһөллөр.

• Напомним, Центр «Мой бизнес» оказывает широкий комплекс услуг для бизнеса Якутии на бесплатной основе в рамках реализации национального проекта «Малое и среднее предпринимательство», который инициировал Президент России Владимир Путин.
• Подробнее о мероприятиях, конкурсах, мерах государственной поддержки, выставках, семинарах вы можете узнать на информационных ресурсах учреждения: Телеграм, ВКонтакте, Одноклассники, на портале Мойбизнес14.рф, а также по телефону горячей линии 8(800)100-58-80.