Ыам ыйын 29 күнүгэр, Арассыыйаҕа урбаан күнүн чэрчитинэн Төҥүлү нэһилиэгэр улууспут урбаанньыттарыгар аналлаах тэрээһин ыытылынна. Улуус баһылыга Дмитрий Тихонов, Төҥүлү нэһилиэгин баһылыга Петр Эверстов, бизнес-инкубатор салайааччыта Сергей Сергучев ыытыллар тэрээһиннэргэ, аахсыйаларга, улууспут олоҕор көхтөөх кыттыыны ылар, анал байыаннай дьайыыга сулууспалыы сылдьар уолаттарбытыгар ананар көмө хомууругар куруутун туора турбакка, туох кыалларынан күүс-көмө, тирэх буолар урбаанньыттарбытыгар махтал суруктары, өйдөбүнньүк бэлэхтэри туттардылар. СӨ Баһылыгын иһинэн үлэлиир Инновация менеджменин үрдүкү оскуолатын сайдыыга дириэктэрэ Иннокентий Ксенофонтов улуус сайдар суолун тобуларга туһуланар стратегическай сессияны иилээн-саҕалаан ыытта.
Спикердарынан улуус баһылыга Дмитрий Тихонов, улууспут экономикаҕа сайдыытын салалтатын начаалынньыга Екатерина Павлова, СӨ экономикатын министиэристибэтин инвестиционнай сайдыы департаменын дириэктэрэ Сахая Куприянова, СӨ Баһылыгын иһинэн үлэлиир стратегическай кэтээн көрүү киинин учуонай сэкирэтээрэ Александр Христофоров, СӨ урбаан, атыы, туризм министиэристибэтин урбаан сайдыытын боппуруоһунан үлэлиир салаа салайааччыта Петр Никифоров үлэлээтилэр. Сессия хаамыытынан тутаах хайысхаларынан баар кыһалҕалар тула дьүүллэстилэр. Ол курдук, тыа хаһаайыстыбата сайдар суолун, промышленнай эйгэни, туристическай хайысханы, креативнай экономиканы ырытыстылар. Ону тэҥэ, хас биирдии урбаанньыкка сытыытык турар каадыр тиийбэт боппуруоһун быһаарар суоллары кэпсэттилэр.
Күн иккис аҥарыгар «FocusPro»консалтинговай ааҕыныстыба төрүттээччитэ, бизнес-консультант, урбаанньыт Джулустан Тобун үөрэтэр сэминээр ыытта. Түмүккэ Төҥүлү нэһилиэгин тутаах урбаанньыта Иван Борисов биир идэлээхтэригэр толору астаах сандалы остуолугар ыҥыран күндүлээтэ, өрөспүүбүлүкэбит эстрадатын көмүс куоластара ылбаҕай ырыаларынан эҕэрдэлээтилэр. Өрөспүүбүлүкэҕэ үлэлиир саастаах нэһилиэнньэттэн урбаан эйгэтигэр 20-25% баар эбит буоллаҕына, биһиги улууска бэйэ дьыалатын тэринэн үлэлии-хамсыы сылдьар дьоннорбут 40% ылаллар. Урбанньыттарбыт араас өҥөнү оҥорон дьон-сэргэ кыһалҕатын быһаараллар, үгүс ыал уйгутун хааччыйаллар, үлэбитигэр-хамнаспытыгар күүс-көмө буолаллар. Ытыктабыллаах урбаанньыттарбытыгар кэскиллээх бырайыактаргыт олоххо киирэн иһэллэригэр, ситииһиилэр сиэттиспитинэн кэлэ туралларыгар, туруоруммут былааннаргыт туолан олоххо киирэн иһэллэригэр баҕарабыт!
Напомним, Центр «Мой бизнес» оказывает широкий комплекс услуг для бизнеса Якутии на бесплатной основе в рамках реализации национального проекта «Малое и среднее предпринимательство», который инициировал Президент России Владимир Путин.
Подробнее о мероприятиях, конкурсах, мерах государственной поддержки, выставках, семинарах вы можете узнать на информационных ресурсах учреждения: Телеграм, ВКонтакте, Одноклассники, на портале Мойбизнес14.рф, а также по телефону горячей линии 8(800)100-58-80.