Саха Өрөспүүбүлүкэтин Ил Түмэнин XLIV (уочараттаах) пленарнай мунньаҕар «”Саха Өрөспүүбүлүкэтигэр нэһилиэнньэ дьарыктаах буолуутугар көхтөөх бэлиитикэ тустаах тэрээһиннэрин олоххо киллэриигэ көмөлөһүү туһунан” Саха Өрөспүүбүлүкэтин Сокуонун 7 ыстатыйатын 11 пуунун күүһүн сүтэрбитинэн билинэр туһунан» Саха Өрөспүүбүлүкэтин сокуона норуот дьокутаата Владимир Чичигинаров көҕүлээһининэн ылылынна.
Сокуон барыла федеральнай сокуоҥҥа сөп түбэһиннэрэр инниттэн оҥоһулунна.
Сокуон барыла Саха Өрөспүүбүлүкэтин борокуруорун э.т. 2023 сыл ыам ыйын 10 күнүнээҕи бырачыаһыгар олоҕурар.
Бырачыас быһыытынан, административнай буруй туһунан аактары уонна боротокуоллары оҥорууга кэһиилэри булуу түбэлтэтигэр, толоруллара булгуччулаах кэһиилэри туоратар туһунан этиини биэрии, матырыйааллары суукка уонна быраабы араҥаччылыыр уорганнарга ыытарга кэһиилэри булуу түбэлтэтигэр бииргэ үлэлиир туһунан түһэрсиллибит дуогабардар чэрчилэринэн эбэһээтэлистибэлэрин сөптөөхтүк толоруу өттүнэн үлэ биэрээччилэри бэрэбиэркэлииргэ Саха Өрөспүүбүлүкэтин нэһилиэнньэ дьарыктаах буолуутугар судаарыстыбаннай сулууспатын уорганнарын боломуочуйаларын олохтуур «Саха Өрөспүүбүлүкэтин нэһилиэнньэ дьарыктаах буолуутугар көхтөөх бэлиитикэ тустаах тэрээһиннэрин олоххо киллэриигэ көмөлөһүү туһунан» 2007 сыл сэтинньи 8 күнүнээҕи 511-С 1037-III №-дээх Саха Өрөспүүбүлүкэтин Сокуонун 7 ыстатыйатын 11 пууна федеральнай сокуоҥҥа утарылаһар уонна федеральнай сокуоҥҥа сөп түбэһиннэриллиэхтээх.
РФ уонна РФ субъектарын кыттыгас дьаһайар эйгэлэрин боппуруоһунан хонтуруол көрүҥэ «РФ-гар судаарыстыбаннай хонтуруол уонна муниципальнай хонтуруол туһунан» 2020 сыл от ыйын 31 күнүнээҕи 248-ФС №-дээх Федеральнай сокуон 1 ыстатыйатын 8 чааһын быһыытынан федеральнай сокуоннарынан эрэ олохтонор. Ол быһыытынан Россия Федерациятын субъектарын сокуоннарынан нэһилиэнньэ дьарыктаах буолуутугар көмөлөһүү эйгэтигэр эрэгийиэннээҕи судаарыстыбаннай хонтуруол көрүҥнэрэ олохтонор кыахтара суох.
Бу федеральнай сокуон 26, 29 уонна 90 ыстатыйаларыгар сөп түбэһиннэрэн, бэрэбиэркэни ыытыы, ол түмүгүнэн аактары оҥоруу, буруйдаах дьону эппиэтинэскэ тардарга туһуламмыт этиилэри биэрии уонна дьаһалы ылыныы хонтуруоллуур уорганнар боломуочуйалаах сололоох дьонунан оҥоһуллар.
Ил Түмэн доруобуйа харыстабылыгар, социальнай көмүскэлгэ, үлэҕэ уонна дьарыктаах буолууга сис кэмитиэтин бэрэссэдээтэлэ Владимир Чичигинаров иһитиннэриитинэн, сокуон бырайыагар биһирэбил түмүктэр бары киирбиттэрэ. Кэмитиэт сокуон бырайыагын иккис (бүтэһик) ааҕыыга ылынарга эттэ.
Сокуон иккис (бүтэһик) ааҕыыга ылылынна.
Ил Түмэн пресс-сулууспата