Бүгүн Куокуй олохтоох дьаһалтатын (баһылык Лев Павлов) өйөөһүнүнэн саҥа бэкээринэ оборудованиета туруоруллан, силигэ ситэн, уота тардыллан, газ холбонон, бастакы килиэптэр буһан таҕыстылар.
«Сахаэнерго» В.В. Иванов уонна «Саханефтегаз» П.У. Еремеев үлэһиттэригэр үлэни хаачыстыбалаахтык, суһаллык холбообуттарыгар махтаныаҕыҥ!
Валентина Платоновна Иванова бу күннэргэ бэкээринэ үөрүүлээх аһыллыытын кэнниттэн үлэтин саҕалыырга бэлэм. Онон килиэп боппуруоһа этэҥҥэ быһаарыллыбытынан бары бөһүөлэк олохтоохторун эҕэрдэлиибит, бэкээринэ үлэтин саҕалыырыгар бары ситиһиини баҕарыаҕыҥ.
Минньигэс килиэп биһиги остуолбутугар куруук баар буоллун!

Источник